Onder ard ziwan ke xebatê ke semedê roşnkerdişê hedîseya Enqereye yenî kerdiş bes nîyo û wina domna: “Cipersayîşê ke derheqê hedîseye de amey akerdiş, roşnkerdişî ra vîşêr, şikê merdimî hîna vêşî keno. Hukimat hewl dano ke hedîseye lêl bikero û wexto ke merdim ewnîyeno, hîna hukimat nêşkeno nameyê kerdoxan bîyero ziwan. Nêyî zî şikê ma vêşî kenî. Ravêreyeya otopsîye ra bigî heta cigêrayîşê ke semedê ke roşnkerdişê hedîseye yeno kerdiş, lazim o hemînan de zî xebatekî ke mîyanê ci de pawitiş bibo biameynê kerdiş. Lazim o hedîse heme hetê xo ra biameynê roşnkerdiş.”
Bombekaro 3’in nêtepişîyayo
Onder dergeyîya qalîkerdişê xo de bal ant ser suîkastan û wina vat: “Enqere de hîna zî bombekarê 3’in nêameyo tepiştiş û werte de gêreno. Semedê Enqereye 2 nê, 3 bombekarî ameyî. No semedî ra vernîgirewtişê ke hêzê emnîyetî HDPe rê girewtî, çîyo ke dereng mendo yo. Polîso ke vano bînayê HDPe bipawê, çende aşmî verê êy bi xo hêrişî partîya ma kerdênê. No semedî ra bawerîya merdimî nêmaneno.”
Hetê înan de firazî çina
Onder ciresna ke KCK 10’ê citmenge de bira bêçalakîtî girewt û wina peynî kerd: “Na bire do peynîya AKPe bîyaro. Hemverê aştîye de dekewtî mîyanê qerqîzyayîş, no zî çîyo ke asan o. Çimkî ger ke wina nêbîynê, şerî nêdaynê destpêkerdiş. Ma sey hêzê demokrasîye, lazim o bêçalakîtî de israr bikerî. Dînê şerî çin o, hêrişê heme cayî keno. Êy ke hêrişê canî bikero, çîyo firazî fikiryeno? AKP qadê heme cuyayîşî de şer dayo destpêkerdiş. No şer tena bi tanq û top nê, heme hetê sîyasetî zî mîyanê xo de hewêneno. Lazim o waştişê şerî ya hukimatî ewil wijdanê şarî de bêro mehkumkerdiş.”
OZGUR AYDIN/ ANF /ENQERE