Qezaya Sûrî ya Amedî de 2ê kanûna 2015 ra nata 103 rojî qedexeyê tebervejîyayîşî amebî îlankerdiş û 10ê adara 2016 ra nata zî tede rijnayîş domîyeno û nika 6 taxan de kerra ser kerra de nêmenda.
4ê Çileyî yê 2017 de zî hetê Wezîrê Bajarvanî û Dormeyî Mehmet Ozhasekîyî rab i nameyê ‘Seba Sûrî haydê bismîllah’ akerdişê înşaatî ameybî kerdiş. Ê akerdişî de Serekwezîr Bînalî Yildirimî zî bi hawayo vîdeo konferansî beşdar bîbî. Labelê abîyayîşê înşaatî ra 4 aşmî dima tabloya ke vejîya orte, hetê mîmar û muhendîsanê Amedî ra bireaksîyon ame dîyayîş.
Babete ser o Endamê Heyetê Îdarekarî yê Odeya Mîmaranî yê Şûbeya Amedî Mucahît Polatî û Serekê Odeya Mîmarlarî ya Şûbeya Şerefhan Aydinî qisey kerdî.
Polatî dîyar kerd ke o nêzano vera nêyî de se vajo û wina domna: “Rewşa normale de keyeyanê Amedî de berêko mutewazî û hewşo ke teber ra nêaso estî. Labelê keyeyê ke nika yenî viraştiş ti eleqeya xo keyeyanê tarîxî yê Amedî çin a. Keyeyê neweyî mîmarîya Selçuklu ano vîrê mi.”
Sûr yeno bênasnamekerdiş
Ayhanî zî va ‘keyeyê ke yenî viraştiş heme betonin î’ û wina domnaye: “Ewro hêrişê nasnameyê Sûrî kenî, nika înşaat Amed de virazenî û muracatê fikrê Amedî nêgênî. Keyeyê ke virazîyenê, ti eleqeya xo bi mîmarîya Sûrî çin o. Wina kenî ke Sûr bênasname verdanî.”
AMED