Çarçiweya no raştîyê serekê Polê Cenîyananê Yewîtîya Demokratîk a Suryanîyan Şamîran Îshak veng da cenîyê suryanîyan vat ke ganî ameyoxê azad rê wa HDPî ra rayê xo bidê.
Rolê tevgera azad
Îshak dîyar kerd ke bi hezar serra ke şarê suryanîyê di sifteyin Mêrdîn û Kurdistanî de karê zanetê xaliyê reyde elaqadar benî, çi heyfo ke cenîyê suryanîyê hetanê nika nêameyê vînayişî la çewtî na rewşe cenîyê suryanîyeke Ewropayî ra koç kerdî hîna wareke demokratîk qezenc kerdî la belê no warê zî bi pergala kapîtalîstî de ameyo şekilkerdişî.
Îshak cenîyê suryanîyeke di Anatolyayê de mendî zaf zehmetî antî, di zaf hûmarîy de suryanîyê tersî ra domananê xo nêeşrawitî wendegehê, hetta destûr nêdayê bixebitê, çimkî camêrdê suryanî zî tersê ra nêvatî suryanîyê, taybetê nê pirsgirêkan mîyanê 10 serrê de yenî çareserkerdişî.
Warê azadiyê rojawan
Îshak îzeh kerd ke taybetê çareserîyê nê pirsgirêkan de rolê Tevgera Azad est o, şarê suryanîyê têkoşîna şarê kurdî ra wayîr vejîyayê û tesîr vînayî, seba domdarîya na têkoşînê zî ê wazenî têkoşîna cenîyan hîna bi xurt bikerî, çimkî warê cuyayişê hembarî di Rojawanî de vînayî û suryanîyan taybetê di zereyê YPG/YPJ de cayê xo girewtî û xoverodayişê xo hîna gird kerdî.
Bi HDPî hesabpersayiş
Îshak wina peynî kerd: “Taybetê di axê Mezopotamya û Anatolyayê de ser şarê elewî, çerkes, kurd, suryanî û ermenîyê terteleyê amey şuxulnayişî, peynîya terteleyan zî nê şaran di mîyanê travmayê de cuyenî. Seba çareserîyê ganîyo ke dewlete nê şaran ra lêborîn biwazo. Eke HDP bendê weçînayişî bivîyaro, no demî hesabê nê terteleyan bêro persayişî.”
CEREN KARLIDAG / JINHA/ÎZMÎR