Seatanê şewe yê roja Şeme Stenbol Beşîktaş de vera quwetanê polîsan de di teqayîşî bi û netîceyê ci de bi desan polîsî merdî, bi desanê ci zî bî dirbetin. TAKî çalekî girot ser xo.
Şewa verî qezaya Stenbol Beşîktaş de ver Stadyûmê Beşîktaşî de, maça fûtbolî ra dima vera polîsanê quwetê çevîk hêrişa bi bombeyî ca amê. Teqayîşan ra yewe het Arenaya Vodafone yê Beşîktaş de, ya bînî zî Parka Maçka de virazîya. Netîceyê hêrişî de heta nika 38 polîsan weşîya xo kerd vinî. Herzewbîn 150 ra vêşêr kesî zî bî dirbetin. Dirbetinî nêweşxaneyan de yenê dermankerdiş. Teqayîşî ra dima 10 kesî zî amey binçim girewtiş.
Teyrêbazên Azadiya Kurdistan TAK vizêr ver şan de aşkere kerd ke çalekî hetê înan virazîyaya û netîce de 100 ra vêşî polîsî merdîye.
STENBOL