Wazenî yê xo xelq bikerî
Aydinlar ciresna ke goreyê xoverdayîşo ke şaristanê Kurdistanî de yenî nîşandayîş, xoverdayîşo ke Gurgumî de yeno nîşandayîş zaf zeîf o û wina verdewam kerd: “Çimkî weyra de xoverdayîşê Pîr Sultanî bi awayo xurt nîno nîşandayîş. Çimanê dinya ver de Kurdistan de 200 merdiman bi awayo ganî veşnayî. Coka ganî heme elewîyî bizanî ke do qirkerdişê Gurgumî ra girdêr qirkerdişî bêrî kerdiş. Ganî şorişgero ke bi ti awayî banderê rewşe nêbo. Dozê ke seba vatişê Îbrahîm Kaypakkaya, Mazlum Dogan, Mahîr Çayan ma rê ameyî akerdiş, hîna dewam kenî. Beno ke siba bi vatişê Îmam Huseyîn, Pîr Sultan û Alî ser o zî ma do bêrî dariznayîş. Goreyê bawerîya min ger ke şarêko wayîrê artêşî nêbo, o şar her tim tena serê xo yo û her tim talukeya qirkerdişî ser ci de esto.”
Zey 'Estora Troya' vînenê
Hunermend Cemo Dogan zî da zanayîş ke Gurgumî de kampa ke yena viraştiş sey ‘Estora Troya’ yena vînayîş û wina vat: “Hetê encamê xo yê komelkî ra sey hêrişêkî stratejîk û polîtîk a bi zanayîş dijî elewîyan yeno kerdiş. Gurgumijê ke teberê welatî de cuyenî cayê ke cuyenî ra vanî ‘xurbet’. Elbîstan bi xo zî şaristano ke durê keye yo. Mîyanê 20 serran de nîmê yew mîlyonî elewîyî cayê xo teriknayî û no semedî ra her hetê dinya de elewî yenî vînayîş. Elewîyê ke babetê vînîbîyayîş, helînayîş û çinkerdişî nîqaş kenî do dijî nê hêrişan xover bidî.”
ANF/BRUKSEL