TEKOŞÎN AXÎN/JÎNDAR ŞÎLAN / ANF/HEFTANÎN
Hemleya Şorişgêre ya Cengê Heftanînî ya vera hêrişanê îşxalî yê dewleta tirke dewam kena. Gerîlayanê HPG û YJA-Starî yê ke Cengê Heftanînî de têkoşîn kenê derheqê Komployê Mîyanneteweyî yê vera Rayberê Şarê Kurdî Abdullah Ocalanî de qisey kerd û vat: ‘’Rayberîye bi fikranê xo yê azadan seba pêro merdimîye şerê azadîye kenê, naye ra hêzê netew-dewlete vera na roşnîye benê yew û şer kenê.’’Gerîla Gulnaze Karataş vat: ‘’15ê Sibate seba ma pêroyînan roja reş a. Ma sey gerîlayanê YJA-Starî seba ke ma tecrîd bişiknê bi pêro hêzê xo têkoşîn kenê. Çunke Rayberê ma têna seba ma ney, seba pêro dinya têkoşîn keno ked dano. Rayberîye bi fikranê xo yê azadan seba pêro merdimîye şerê azadîye keno. Coka hêzê netew-dewlete vera na roşnîye benê yew û şer kenê. Ma Cengê Heftanînî de bi îdîa têkoşîn kenê. Pêro çalakîyanê ma seba Rayber Apo yê. Azadîya Rayberîye hedefê ma yo tewr pîl o. Ma do qet têkoşînî ra fek vera nêdê.’’
Gerîlayê HPGyî Engîn Rojavayî vat: ‘’Ma heta peynîye na îdîa de yê ke ma do tecrîdê vera Rayberî bişiknê. Dişmen çend hêriş bikero zî nêeşkeno hêzê şarê kurdî çin bikero. Ma do ser bikewê. Dişmen bi girankerdişê tecrîdî heman wextî de hêrişê kurdan zî keno. La xoverdayîşê ma zî bi heman hewayî xurtêr beno. Armancê dişmenî qirkerdişê şarê ma yo la heta gonîya xo ya peyêne ma do şer bikerê, tecrîd bişiknê û Serekê xo azad bikerê.’’