Tayî Tornê Şêx Seîd se kenî?

Tam beno 89 serrî Şêx Seîd înan hetê dewleta Tirk re ameyê aleqnayîş.
Ma ewnênê, 89 serrîyo Dewleta Tirk qirkerdişê Kirdan re fek verênîdawo.
Ma ewnnê, 89 serrîyo Dewleta Tirk eynî  dewleta, hîşê Dewleta Tirk zî eynî hîşa.
Dewleta Tirk qasê zerrê misqal xo nîbedilnawa.
CHP’ya Kemalîst şîya, la cayê ayê de Kemalîsta kewe AKP amîya.
Baw û kalê ma vanî, "Ha Êlî ha Qer Êlî”, eynî hinawo.
Dewleta Tirk wextê Şêx Seîd de seyî zalim bî nika zî hinawa, la Kurdistan Kurdistanê verêcu nîyo.
Şarê Kurd zî şarê verêcu nîyo.
Şarê Kurd bin pêşangîya PKK’ê de tekoşînek xurt ramit.
Zê Şêx Seîd vatibi ya, "Ê tornê mi wirzenê û qisasê  ma şima re bigerenê”.
Tornê Şêx Seîd bin pêşengîya PKK’ê de tekoşîn kenî, roj bi roj qisasê Şêx Seîd înan genî.  
Şarê Kurd zî hina hîşyar bîyo ke, nika zerrê dinya de yew şar zê Şarê Kurd seba azadî serhildan û xoverdayîş xurt nîkeno.
Pêronê dinya no derheqî de vanî, raşta Şarê Kurd seba şaran bîyo nimûne û mîsal.
La hetêk bîn re zerrê Şarê Kurd de tayî estî, hetê Kemalîsta Kewe AKP re yenî xapnayîş.
Weçînayîşê 30ê Adarê de hina bi.
Bi teybet Çewlîg de yew namzedê Kemalîsta Kewe yê AKP’ê bibi. Bi belge eşkerê bi kî, no namzed endamê MÎT’o.
La reyna tayî şîyê reya xo da no endamê MÎT’î yê AKP’ya Kemalîsta Kewe.
AKP ser de hîlê zî kerd û şaraderîya Çewlîg girewt.
No rewş seba Şarê Çewlîg rewşek şermo.
Gorê wasîyetê Şêx Seîd şermek zaf girano. Şêx Seîd se vati bi, la tayî tornê Şêx Seîd se kenî?
Çewlîg gera no şerme giranî re xo xelasbikero.
Eger Çewlîgij vanî ma tornê Şêx Seîdî. Gera tîya re pê destek nîdenê partîya kemalîsta kewe AKP.
Çunke AKP zî eynî zê CHP dişmenê Kurd û Kurdistanê ya.