Serekê Pêroyî yê OSPyî Sînan Çîftyurek, Serekê Pêroyî yê Partîya Şorişgêrî Musa Pîrogluyî û Grûba Aştîye ra Nurettîn Turgutî tecrîdo giran ser o qisey kerdî. Çîftyurekî wina va: “Eke ma bişînbî ruhê Newroze ganî bikerî, o wext ma do bişînbî îqtîdar ser zextêko gird bikerî û tecrîd wedarnî.”

Rayberê Şarê Kurdî Abdullah Ocalano ke 19 serrî yo binê tecrîdêko girankerde de yo, 11ê êlula 2016î ra nata ti xebere tira nîna girewtiş û îzolasyonêko wişk reyde têrî yo. Heto bîn ra Ocalan 2011 ra nata nêşêno bi avûkatanê xo reyde pêvînayîşan bikero. 

Tecrîd ver kurd û hetê demokrasî reaksîyonin î û etirîyenî. Babete ser o Serekê Pêroyî yê Partîya Sosyalîzm û Azadîye (OSP) Sînan Çîftyurek, Serekê Pêroyî yê Partîya Şorişgêrî Musa Pîroglu û Grûba Aştîye ra Nurettîn Turgutî qisey kerdî.

Çîftyurekî va ‘bi serran o ke dewleta tirkî vera kesê ke mîyanê sîyasetê kurdî de ca gênî de polîtîkayêka taybete domnena’ û wina dewam kerd: “Nika zî na polîtîkaye Îmrali de dewam kena. Çarçewaya na polîtîkaye de ceza mîyanê cezaye de dîyena sîyasetmedaranê kurdan. Ganî kurd û sîyasetmedarê kurdan muhakemeya 4-5 serranê peyênan bikerî. Herçiqas ke OHAL esto zî Newroze de bi mîlyonan merdimî kom bîyî. Kurdî çar parçeyan de payan ser o bî. Eke ma bişînbî ruhê Newroze ganî bikerî, o wext do no îqtîdar ser o zextêko gird bikero û tecrîd bêro wedarnayîş.”

Eynо tecrоd Kurdistan de zо esto

Pîrogluyî da zanayîş ke tecrîdê Îmrali eynî wextî de nizdîbîyayîşê dewlete yê problemê kurdî yo û wina va: “Raştîya xo de dewlete Îmrali de têkilîyêka senîne ronaye, Kurdistan reyde eynî têkilîye ronaye. Wexto ke Birêz Ocalan ardî Tirkîya û mehkeme kerdî, o wext sosyalîst û demokratê Tirkîya seke çîyêk nêbîyo, hereket kerdî. Rejîmê Apartheîdî zî vera Mandelayî de eynî tecrîdî domnabî. Rijîyayîşê rejîmî bi azadîya Mandela bibi. Eke sosyalîstê Tirkîya nê zîhnîyetê faşîstî ra eciz benî, ganî bizanî ke no ancax bi wedarîyayîşê tecrîdî beno. Demokrasî ancax bi azadîya Ocalanî yena. Tecrîd tena problemê kurdan nîyo. Problem, problemê kurdan nîyo, esil problem yê bînî qasê kurdan têkoşîn nêdanî. Seba demokratîkbîyayîşê Tirkîya, Tirk, Kurd, kedkar û karkerî ma do pîya hereket bikerî.”

Tecrоd vilayк heme zоndanan bi

Nurettîn Turguto ke 2009 de Grûba Aştîye mîyan de ame Tirkîya û bi serran zîndan de mend zî wina va: “Çi heyf ke tecrîdo ke ewro ma ser o munaqeşe kenî, zîndananê Kurdistan û Tirkîya de zî ameyo vilakerdiş. Eke wextê xo de ma vera tecrîdî de reaksîyonêko gird bironayêne, o wext tecrîd hende vila nêbîyêne. Eke ewro faşîzm wazeno na cografya de hukmê xo rono,  vera ci de do têkoşîn û xoverdayîşî zî bibî û faşîzm ganî nînan zî bigîro çimanê xo ver. Labelê heta nika ma têkoşînêko xurt nêdayo heta nika. Se beno wa bibo, ma kesêk tena daxî bimanî, ma do têkoşînî bidomnî. Nika ê 34 kesan ra tena ez menda. No bêsamîmîbîyayîşê AKPyî nîşan dayêne. Beno ke kewtişê ma yê zîndanî Birêz Ocalanî kerdo mîyanê zorî. Labelê ma bi zanayîş ameyî û ma poşman nîyî.”

MERKEZК XEBERAN