DÎLAN BABAT / JINNEWS/ENQERE
Enqere de bi beşdarîya hezaran Kongreya 4’ine ya HDPî ame viraştiş. Kongre de bi hezaran yew fekî de bal antî tecrîdê Rayberê Şarê Kurd Abdullah Ocalanî ser o. Cenîyê ke sewbî bajaran kongre ra beşdar bîyê, waştî tecrîd bêro hawanayiş.
Muzzeyen Denlî kongreye ra Bursa ra beşdar bî, vat ke tecrîd çi heyfo ke goreyê prosesî bedilyeno û wina vat: “Proses weş beno tecrîd hawanenê la xirab beno tecrîd giran kenê. Îqtîdar bê vengî ra hêz gêno û no ser zî tecrîd xorîn keno. No zilm nîno qebulkerdiş. Çi heyfo ke heme welat binê zilmî de yo, kam qise keno yeno tepiştiş. Heme dinya zaneno ke Ocalan ser o tecrîd bihawanîyo aştî do bêra. Ganî tecrîd bi lezî bihawanîyo.”
Ma vera zilmî têkoşîn dane
Mulkîye Ungul aşkera kerd ke bi serranî ke Kurdî vera zilmî têkoşîn danê û wina domna: “Pêroyina Dinya de şer ser o gonî rijyenê, ma her tim aştî waşt, Kurdî seba aştî hedre yê. Ma heqanê xo wazenê, tena Kurd demo ke nasnameyê xo biwazî zilm vînenê.”
Hurîye Damar zî wina qedîna: “Ma seba hawanayişê tecrîdê Rayberê xo ser hewna verin de bibê. Ma qet têkoşînê xo ra fek veranêdayê. Tecrîd eke bihawanîyo do tena Tirkîya ra nê heme Rojhelatê Mîyanênî ra aştî bêro.”