Ez mîyanê şarê ma kurd de gêrena. Her kes ser şerê beyntarê îdarekaranê dewleta tirk qiseykeno.
Tayî vanî ma ra faydê eyê esto. Tayî vanê eskero ke waşt ke cayê Erdoganî bigerenê hîna bitehluke bî.Tayî vanî, şerê beyntarê îdarekerên dewleta tirkî çiqasî derg bibenê ma rê hol û rind benê. Pê nê vînayîşan vejîyeno werti ke vinderdişê şarê kurd zêdeyîr sey vinderdişê temaşekeran o. Ez vajî pêronê şarê ma hinayo raşt nêbeno. La giranîyê şarê ma hinayo. Hewce keno ke rewşe hina bêro bedilnayîş. Rewş nîyero bedilnayîş tuhlekeya zaf gird esta. Tehluke hinaya. Bena Erdogan û esker hembere yewbînî şerbikerenê. La her di hetî neyarê şarê kurdî yê. Serkewtişê hetê ke de fayde şarê kurdî çîna. Binkewtişê hetê ke de zî fayde şarê kurdî çîna.
Kam het serbikewo, kam het binkewo zî her di hetî zî reyna vera şarê kurdî neyarî kenî. Nika hetê Erdoganê serkewtî, fayde înan şarê kurdî ra esto? Ney. Erdogan înan se kenî? Her roj faşîstan rêxistin kenî , kuçeyan de hêrîş benî ser şarê kurdî. Her roj faşîstan rêxistin kenî, bin nameyê mîtîngan de alê tirk genî danî destê faşîstan û ser alê tirkî ra vînayîşê tirkperestî vilakenî.
AKP pilankena ke, faşîstê ke bin nameyê vera derbekar rêxistin kerdî, înan de rojên bîn de hembere şarê kurdî bido şuxulnayîş.
Înan çek bikero, vera şarê kurdî bido şerkerdiş. Xora Abdurrahman Dîlîpak eşkera vano, ma sîleh bidi hetkare xo yane AKPyîyan wa şerbikerenê. Herhal nê çeteyan hembere tirkan nêdanî şerkerdiş. Plankenî ke hembere şarê kurdî bidenê şerkerdiş. En muhîm zî rewşê Rêberê Şarê Kurd Abdullah Ocalanî yo. Qet yew xeber rewşê Rêberê Şarê Kurd Abdullah Ocalanî ra çîno. Yew nêzana rewşê eyê senîno.
Gera yew kurd zî sey temaşekerdox nêbo. Çunke rewş zaf bi tehlukeyo. Eger hembere AKP û Erdogan têkoşînek sey laser nêyero destpêkerdiş, rojên ke bêrenê tehluke hîna gird bena. Wexto ke tehluke gird bibo, yew vajo no çi rewşo herê beno.
Gera nika ra her kurd bizano ke AKP wazena bin nameyê “Ez hembere derbekaran vejîyena, ez hembere derbekaran tedbîr gena” Kurdistan de komkiştişan bikero. Bena mîyanê mij û dumanê de çîyêk bîyaro ser Reberê Şarê Kurd Abdullah Ocalanî zî. Bena ke çîyêk zî ardo ser Reberê Şarê Kurd Abdullah Ocalanî. Qey nayî hewce keno ke şarê kurd şew û roj nêvinder o. Şew û roj çalakî de bo. Şarê kurd yew deqîqe zî herê beno, tehluke çiqas şêro, zêde bibo.Qey verênîyê tehluke bêro girewtiş, gera şew û roj çalakî bibo.