Hemserokê PYD Salîh Muslim ke roja vernî yê roniştişê konferansî de qisey kerd zî ard ziwan ke Kurdî tenya seba xo nê, seba pêrokîn şaranê heremî tekoşîn danê.
Muslim ke bi sernuşteyê “Serva Rojhelatê Mîyanî rayverîyê demokrasî yê alternatîf“ de qisey kerd da zonayen ke kurdî serva pawitişê erjayeyanê pêrokîn şaran tekoşîn kenê. Salîh Muslimî da zonayen ke kurdan bi xoverdayişê xo peymana Sykes-Pîcot pûç veto û wina dewam kerd: “Lazim o zîhniyeta netewe dewlete bivûrnîyo. Vera zîhniyeta zayendîperest, ganî şoreş bîro kerdiş.”
Muslimî hayr ant hêrişanê dewleta Tirk yê vera Rojawa û Sûrîye ser û wina va: “Vanê ke ‘Kurdê tewr rind Kurdê merdî yê’. DAIŞ û komê cîhadî asmenî ra nêamey cêr. Tirkîye û welatê zey ci, înan kom kerdî û kerdî belayê heremî. Pîyakariya Tirkîye ya bi DAIŞ ra hona zî ramena.
Hemserokê PYD Salîh Muslimî hayr ant rolê Reqa ser zî û vist vîrî ke Reqa cayekê stratejîk o û ganî destê DAIŞ ra bîro xelesnayiş. Muslimî tewr peynî de hayr ant ambargoyê Rojawa ser û aşkere kerd ke rexmê nayî zî ê hewl danê ke sîstema xo ya civakî û ekonomîk ronê.