CAFER CAFO-XANDÎ ELO / ANHA/ŞEHBA
Îşxalê Efrînî yê hetê Dewleta Tirk ser o di serrê vîyartê. Serrgêra îşxalê Efrînî ser o Hemsereka Meclîsê Xosere ya Demokratîka Efrînî Şîraz Hemo qise kerd û vat ke tarîxî ra nika Dewleta Tirk her tim bîya dişmenê sîstemê demokratîke, hêrişê Efrînî zî xo ra verdewamê zîhnîyetê osmanijan o.
Şîraz Hemo wina vat: “Surîye de sîstemo demokratîk ronîya û serkewt zî bî, şaran bi xo rayberîya xo awan kerdê û her kes rayberîye de ca girewtinê, armancê hêrişê Efrînî zî çinkeridişê nê sîstemî bî. Tirkîya bi mudaxalekerdişê krîzê Surîyeye, krîzî kerd hîna xorîn, dewleta Tirk zaf qetliaman ra îmze eşt. Tirkîyaye sucê şerî kerd.”
Demografîya Efrînî bedilnayê
Şîraz Hemo aşkera kerd ke Efrîn de wazenê demografî bibedilnê û wina domna: “Efrîn de Dewleta Tirk, şarê xocayî da koçkerdiş, cayê înan zî çeteyan ca kerd. Na babete ser o zî komxebatê ma estê. Aşma kanûne de ma kongreyêka mîyanêneteweyî organîze kerd, na kongre hewna ame vatiş ke Erdogan sûcê şerî keno, ganîya ke Erdogan bêro dariznayiş. Armancê Dewleta Tirk Surîye ra girewtişê herre yê. Efrîn de dêsî yenî viraştiş, sey rayberîya Efrînî xebatê ma domyenê, hetanî Efrîn azad bibo do xoverdayişê ma bidomyo.”