Roje çin a ke cinî domanî nêrî qetil kerdene. Bitaybetî polîtîkayê îqtîdarî zî nê qetlîyaman teşwîq kenî. Aşma Temmuze de zî xeylê cinî û domanî ameyî qetil kerdene. Nê qetlîyamî bitaybetî netîceyê sîlehgirewtişê şexsî de bîyî. Goreyê analîzê xeberan, aşma temmuze de pêro pîya 15 cinîyî ameyî qetil kerdene. Nê qetlîyaman ra 5ê ci bi hawayo şikin merdî. 4 domanî zî netîceyê sîlehgirewtişê şexsî de merdî. 2 bebekî zî hîna pîzeyê dayîka xo de ameyî qetil kerdene. Reyna aşma temmuze de vera sucê îstîsmarê zayendî de zêdebîyayîş virazîyayo. Na aşme de pêro pîya 22 domanî raştê îstîsmarê cînselî ameyî. Goreyê îstatîstîkan tewr zaf cinîyî bajarê Stenbolî de ameyî qetil kerdene. Xora verê cû dîyar bibi ke Nêweşxaneyê Cigêrayîş û Perwerdeyî yê Bagcilarî de 392 domanî raştê îstîsmarî ameybî û netîceyê îstîsmarî de hemîle mendbî. Labelê na rewşe neqlê mekamanê berzan nêamebi kerdene. JINNEWS/AMED