Weçînayişê 7’ê hezîranî ra rojê bi hûmarte mendî, hetanê nika pêroyina dorûverî ra şaran hetkarîyê xo dîyar kerdî la nê dorûveran tena hetkarî aşkerayê de nêmend û seba partîya xo dest pê xebatî kerdî. Nê dorûveran ra zî yew elewîyan ê, elewîyan bi rayverîya DADî de Stenbol, Îzmîr, Enqere, Mersîn û Semsûrî de standan akerdî û yew bi yew banan zîyaret kenî û seba pirsgirêkê elewîyanê zî çareserî gêrenî.

Endamê DADê wazenê mîsyonê ‘Cuyaya newe’ şarî ra bikirişî û mîsyonê xo bîyarê cayê xo. Endamê DADê taybetê xebatê xo taxa Gazî, Alîbeykoy, Bahçelîevlera Stenbolî de anenî cayê û na taxan de zî taybetê elewîyan cuyenî. Standê de elewîyeke wezîfe girewtî, saetê sersibayî xebatê standî, saetê şanî de zî yew bi yew banê elewîyan gêrenî û elewîyan ra beyannameyê HDPî danê famdayişî û danê niqaşkerdişî. 


Hetkarî qiym nêkeno

Rayverê DADî ra Yayla Tekgul aşkera kerd ke elewîyan tena HDPî ra hetkarî nêdanî, eynî demî de tax û semteke elewîyê cuyenî, nê cayan de zî xebatê taybet kenî û elewîyan HDP xo ra omid vînenî, taybetê elewîyeke rayê xo hetanê nika CHPî ra dayê, êdî fek CHPî ra veradayî û HDPî ra bi aşkera hetkarî danî.

Tekgul ciresna ke Ewropayî de şuxulnayişê rayê do 30 gulane de peynî bibo, no ser zî ganî elewîyeke Ewropayî de cuyenî wa îradeyê xo ra wayîr bivejî û şîrê ser sindoqan, eke elewîyan şîrê ser sindoqanê do elewîyan êdî bi rehetî Meclîsî de bêrê temsîlkerdişî. 

Hatîce Ozçelîk zî sifteyin Ewropayê de rayê xo şuxulnayo û peynî zî ameyo Stenbolî û beşdarê xebatê weçînayişê bîyo, Ozçelîk aşkera kerd ke çi wazenî se heme beyannameyê HDPî de est î û no ser zî ganî Kurdistan, Tirkîya û Ewropayê de elewîyan şîrê ser sindoqan û dijî dîktatorîyê rayanê xo bidê HDPî. 


Ameyoxê Elewiyan

Serap Aras zî zey heme elewîyan beşdarî xebatê weçînayişê bîyo û Aras aşkera kerd ke hem zey yew elewîyê hem zî zey yew cenîyê, Meclîsî de cayê xo girewtişê HDPî zaf bi muhîm vîneno, taybetê dema ke ê şonê welatijan beyannameyê danê famdayişê no demî welatijan zaf bi kêfweş benî. Aras veng da elewîyan.

Haşîm Aktaş zî ciresna ke HDP tena seba elewîyan nê, heme şar û bawerîyan rê cuyayişeke alternatîf înşa bikero. 

Rayverê DADî ra Alî Şeker zî aşkera kerd ke ganîyo ke heme dorûverê HDPî ra seba ameyoxê azad hetkarî bidî. 

Arzu Erdogan zî îzeh kerd ke ê seba cuyaya neweyê heme şaran bidê famdayişê xebat kenî. 


 DÎHA/STENBOL