UMER MIHEMED / ANHA/KOBANÊ
Endamê Komîteya Merkezê Partîya Demokrasîya Kurd-Surîye (PDKS) Gêlo Îsa muhîmîya yewîyeya netewa Kurd ser o qise kerd.
Endamê Komîteya Merkezê PDKSî Gêlo Îsa vat ke nika Surîyeya Rojhelat û Vakûrî demêko hessasî yê hem sîyasî hem zî lejkerîye ra vîyarena û wina vat: “Ganî no demo hessas de partîyan yewîyeya xo bivirazî, tesîrê dişmenî ra bivejê”
Îsa dîyar kerd ke îşxalkar Dewleta Tirk û çeteyê ay polîtîkayê tirkkerdiş, koç û bedilnayişê demografiye şuxilnenê û wina domna: “Vera nê polîtîkayê leymin de bi ruhê berpirsîyar de ma veng danî ke ma pîya têbigêrî û dormeraya yew mase de kom bibê. Ganî heme partîyê mintiqaye xizmetê dişmenî ra fek veradê, seba azadîya şarê xo dp xebat bikê.”
ENKS hîşyar bêro kerdiş
Îsa veng da heme partîyan ke wa ENKSî ra teda bikê ke xizmetê dişmenî ra fek verado û wina qedîna: “Projeyê Rayberîya Xosere projêko demokratîk o. Seba heme şaran aramî û ewlehî awan keno. Seba ci zî ma ganî no proje hêzdar bikê û bipawî. Ma zey PDKS serî ra nika yewîyeya Kurdan rê destek dane. Do rolê ma hedrekerdişê mekaqanûnê Surîyeye de zî bibo.”