GULAN AVRÊL / ANF
Hêzê artêşa tirkî bado ke herêma Zapî de têk şî, seba ke têkşîyayîşê xo telafî bikero, bi çeteyanê dewa Evlîya ya Şemzînanî hêrişê koyê Gostê kerd.
Babete ser o gerîlayê ke beşdarê nê şerî bîyî, qisey kerdî. Gerîlayan ra Havîn Têkoşîne va ‘ma 9ê aşme de vera hêzê operasyonî de çalakîyêk da destpêkerdiş’ û wina dewam kerde: “Ma seba ke heyfê embazanê xo bigîrî, çalakîye viraşt. Xora dişmen çalakîya ma ver şaş mend. Hêzê artêşa tirkî ra zaf kesî ameyî kiştiş û xeylê kesî zî remayî. Mîyanê meterîsê leşkeran de çeteyan zî ca girewtêne. Wexto ke ma seba çalakîye kifşkerdiş kerdêne, asayêne. Çeteyan yewbînan reyde bi kurdî qisey kerdênê. Nê çeteyî îxanetê xo kenî û welatê xo roşenî. Ma şer de dî ke hêz û cesaretê dişmenî seba şerkerdişî çin o. Netîceyê çalakîya ma de 18 leşkerî merdî.”
Têkoşîne wina dewam kerde: “Hukmatê tirk û Erdogan vera fikrê Rayber Apoyî de têk şîyî. Nika ra pey do nêşînbo netîce bigîro. Senî ke ma heta nika serkewte bîyî, ma do nika ra pey zî serbikewî. Ma soz danî Rayberê xo ke ma do serkewtişêko gird qezenç bikerî.”
Gerîlayan ra Şoreş Azadîyî zî wina va: “Xora herkes zano ke hêzê dewlete nêmendo ke vera ma de şer bikero. Ê teknîkî ra zaf bawer kenî, labelê raybazê gerîla dewlemend î. Ma bi ruho ke embaz Reşîd Serdarî Gostê de xelq kerdo, beşdarê çalakîye bîyî. Dişmenî sey hertim polîtîkayê ‘kurd bi kurdî bide kiştiş’ esas girewt. Çîyo ke nê çeteyî kenî, çîyêko zaf eyb o. Ma bi kamcîn wijdanî hêrişê domananê xo kenî. Dişmenî reyna raştîye nêva û merdeyanê xo nimite. Se beno wa bibo, ma bawer kenî ke gerîlayêkî daxî bimano, ma do şer bikerî.”