Roja ke derheqê Rayberê Şarê Kurdî Abdullah Ocalanî de xeberî medyaya komelkî ser de ameyî parekerdiş ra nata, kurd û dostê ci rasteyan de hêrs û reaksîyonê xo nîşan danî. Bitaybetî Ewropa û Rojawanê Kurdistanî de bi hezaran kesî vejîyayî rasteyan û çalakîye viraştî.
Çalakîyêka bîne zî no 2 rojî yo ke bajarê Strasbourgî yê Fransa de vernîya dezgehê CPTyî de yena kerdiş a. 2 rojî verê heyeto ke mîyanê înan de temsîlkarê 63 dezgehan estbî, îdarekaranê CPTyî reyde pêvînayîşêkî viraştî. Îdarekaranê CPTyî heyetî ra vato ‘Seba ke dewleta tirk destûr nêdana, ê nêşênî raporê xo yo derheqê Îmrali de aşkere bikerî’.
Roja 2. de Hemserekê Kongra-Gelî Remzî Kartalî qisey kerd û seba têkoşînî veng da herkesî. Kartalî qiseykerdişê xo de dîyar kerd ke tena rayberêkî esto, o zî Rayberê Şarê Kurd Abdullah Ocalan o.
STRASBOURG