Herîşî Parîs de esa sinorê teror çîn o, milete teror çîn a. Fînak, DAIŞ’a paramîlîter, çend menşeyî xo çîn bo zî, yew rexistina xarîcî-selefî îslamîya, û mîyanneteweyî ya. Terorkerî ey tewir welatan ra ameyê têhet. La sipultane nêameyî têhet. Êyî ke organîzê kenî est ê. Êyî ke destêk danî fînanse kenî est ê. Tirkîya, tam zî zere ne lîtawe de ya. Na fînak de zî aşkera bi, ewroyê cîhanê de meseleyê terore zêde kûrewî ya. Çi hef ke ewroyê cîhanê de zêde zî terora dîn bîya sereke teroran. Ewro, êdî kes behsî terora sîber û terora narko nêkeno.
Eke, henverê terora dînî de terore bîn bêqîmet mendî. Çi beno wa bibo, netîce de şaro masum terora zaf zerar dî. Eke, mesela teror êdî biya mesela merdimahî. DAIŞ’a har Şengal û Kobanê de, seranserî Rojawan û Vaşûrê Kurdîstan de bîya maşîna sûcan. Qic, cînî û kokim nêvana, kurdan kişena. War û wargehî kurdan talan û tarumar kena. Nêno ziwan her xirabî kena. Tena kurd nê, DAIŞ wazena her kes, hemê şarî Rojhelatê Mîyanê, tabî ey bo, bîat bikêro. Bi teror, zêde zî şaro kurd tehrîk tehdît û îstîsmar kena. DAIŞ Kurdîstan de, desbirakê ey EL-QAÎDE zî Ewropa û Amerîka de sûca merdimahî kena. Amerîka û Ewropa de hîna tesîrî herîşî 11 Êlulê ya birca cewî xoser nêeştbi, na rey qetlîamî Parîs(Charlîe Hebdo) vuku bi. Netîce de tersî teror Dinya de bi vila.
No rid ra ê kesî Afrîqa û Asya ra şîyê tewr komeleya Ewropa de niştecîh bîyê xetere de yê. Otewir eseno tesîrî, terora do dewam bikêro. Teror vîra nêbeno. Helê, şarê Kurdistan terora dewletanê kolonyalîstanê xo (Tirkîya, Iraq, Surîye, Îran) vîra nêkeno. Nayan se kerd? Se nêkerd? Seserrena bi nameyê tedbîr, temkîn û teyakuz şarî Kurdistan tedîp, tenkîl û tehdît kerd. Seserrena şaro kurd etnopolîtîk, etnofizîkî qir bi.
Ziwan û kulturî ey asîmîle bi. Esas kerdina nayan teror a. Terora gird na ya. Zîhnîyetî nayan teror o. Êyî ke cîhanê de bi teror merdimahî tehdît kenî nê dewletî yê. Êyî ke cîhanê de teror organîzê kenî, fînanse kenî nêy î. Oxro, Tirkîya krîtîk yew wext de ya. Ders ranêgena, Hima Cizîrê de Elîh de Amed de şar provoke kena. Pravokasyonan de paramîleteran xo bikar ana. Wa xo vîra nêkero, bextî teror çîno. Durî bo, siba Enqere, Stenbol an zî cayo bîn pirobidîyo, weşerê şarî ma, Tirkîya dejena. Çimkî kurdîy, Kurdistan û Tirkîya de haşîtî wazenê…
Mistefa ŞAHÎN