Grevê vêşanî destpa kenê
Rayveranê IHD ê Tarsus ra pawitox Yilmaz Talay derheqê rewşê xoverdayoxan de zonayiş da û vat: "Ceniyê xoverdayox hetê esker û gardiyanan ra binê namê gêrayinê barî de raştî tacîz yenî û inê kerdenê zî sîstematîk beno." Talay ard zon ke yinê bi xo girotayan ra pêdiyin viraşto û encamê pediyinan de rasayê enê encamî: "Vera girotayan îşkenceyê psikolojîk û fizîkî her ke şino beno giran û raştî tacîz yenê. Hunca girotayê neweş heqê yinê derman kerdinê destê yin ra amo girotin.” Talay pêyniyê qiseyanê xo de vat "Rixmê pêrîn muracadan ma sawciyinê, talebî ma red kerdo û kerdenê îşkence ramenî. Semedê inê zî girotayê qerarê 3 roj çalakî vêşûnî û 5 hefte zî nevêcayînê pêdiyinan giroto." Talay veng da rayveranê dewleta Tirk zindanan de peyniyê îşkence û zordarî biyaro.
Kurkçuler bîyo navendê îşkence
Zindanê Edene Kurkçuler Tîpê F de zî vera tepişteyan îşkence û zordarî biyo zaf û zindan açarnîyayo zey navendê îşkence, pêrin heqê girotayan destê yin ra amo girotin. Heqanî pediyin ra hetanî xeber goştarîkerdin, dermankerdin ra hetanî çîyê şexsî heme heqê girotayan yenî gesp kerdin. Hunca eşkencê psikolojîk û fizîkî zî bêmaven rameno. Pawitoxê giroteyan ra Hemserokê Edene ê IHD avokat Ilhan Ongor veng da raya pêrayîn ke vera kerdenê dewletê bêveng nêmunê.
DÎHA/MERSÎN/EDENA