Welatijê ermenîyê di Tirkîyaye de xo bawerî de hîs kenî? Seba lêborînake raştî çi bêro kerdiş? heme nê persan ra ser zanîngeha Bîlgîyê ra gireda beşa Zanistîyê Komeleye de mamoste Prof. Dr. Ayhan Aktar qise kerd.
Aktar aşkera kerd ke heqê polîtîkayê AKP ermenîyê Tirkîyaye û ermenîyê Ermenistane cida fikrîyenî, tay vanê AKP gamê dîroke eşt tay zî vanê AKP gamê pragmatîst eşt û wina vat: “Ez aşkera vana ke polîtîkayê AKP ra zaf bedilyayiş çin o.”
Aktar wina vat: “Dema serra 2000 eke yew akademîsyen bi vatê; 1 mîlyon ermenî amey qetilkerdiş, no demî elaqa ameynê mojnayiş la êdî êdî heme dorûveran bedilyenî. Êdî domanê nijadperestî daxî çi bawkalan xo ra eşnawitî se bi aşkera danî famkerdiş. Nijadperestan no demî vatînê; ermenîyan artêşê rûsî reyde pêameyiş viraştî û tirkan ra zî dijminî kerdî. Ermenîyeke merdî nê ermenîyan di rayîrê koçî de cuyayişê xo dayî.”
Travmayê şarî
Aktar destnîşan kerd ke serra 1918 de 60 kestî yenî Stenbole û no ameyişê keştê neyaran ser zî şarê Stenbole travmayê ra kewenî, di Meclîsê de wekîlan kom benî û qey nê keştan Stenbole ra amey û sifteyin di Meclîsî de rojdemî ra terteleyê ermenîyê yeno, no demî wekîlê nijadperest aşkera vanê; ê ermenîyan qetil kerdî.
Aktar destnîşan kerd ke hetanê nika Serfirazîya Çanakkaleye her tim 18 adare ameynê firazkerdiş la belê emserre 24 Nîsane bêro firazkerdiş, no zî hewna refleksê faşîstîya dewleta tirk a û Wezaretê Karanê Teberî Mevlud Çavuşoglu aşkera kerd bike ê serekê Ermenîstane dawet kerdî, çimkî di Çanakkaleye de ermenîyan zî merdî.
Aktar vat ke ganî dewleta tirk ermenîyan ra lêborin biwazo û berê Ermenistanî zî biakero.
STENBOL