Pepo keko tever ra RTE mend!
Tever ra RTE mend!
Pepo keko çike o dîktator o û fermanê zereguretene dano.
Pepo keko tever ra kam mend?
Pepo keko ‘iyi şeyler olacak’ Abdullah Gül tever ra mend. Azayê cunta wo.
Pepo keko o ça tever ra mend!
Pepo keko vat ‘iyi şeyler olacak’ û nîya xevera amayena faşîzmê AKaPe dê, coka. Waxto ke ma Abdullah Gül fambikerdenê, belka honde însanê ma zerre nêcerîyenê. Belka taye remenê, xorê xeleşîyenê. Çike hata nika eke jû sermîyanê tirkî vat ‘biz kardeşiz, biz din kardeşîyiz, bir koyununuz kaybolursa benden sorun û iyi şeyler olacak’ o waxt marê merdene û tofanê pîlî ameyî. Mêrîkî vat ‘iyi şeyler olacak’ ma famnêkerd.
Pepo keko tever ra kam mend?
Pepo keko tever ra bêedev Bülent Arînç mend.
Pepo keko o ça tever ra mend!
Pepo keko, çike abîyê RTE yo, aqil û fikir dano ci.
Pepo keko tever ra kam mend?
Pepo keko tever ra Cemil Çiçek mend!
Pepo keko o ça tever ra mend! Çîke fetîşîstê rêwita bêpostîk o, coka.
Pepo keko tever ra zovîna kam mend?
Pepo keko tever ra rasîst û faşîstî mendî!
Pepo keko tever ra kam mend?
Pepo keko tever ra rojnamevanê hetkarê AKaPe mendî.
Pepo keko tever ra kam nêmend?
Pepo keko tever ra hama hama qe jû serokê beledîya BDP nêmend!
Pepo keko ça nîya bî?
Pepo keko verva dîktatorî û dîktatorîye fikrê xo vat, coka.
Pepo keko zovîna tever ra kam nêmend?
Pepo keko tever ra demokrasîya tîrkî nêmende!
Pepo keko demokrasîye ça nêmende?
Anadolîye de demokrasîye hora çîne bîye. Zerrê pirenê demokrasîye de jû cinawir bî her tim. No cinawir kî waxt ke ame xo keno eskera û vano ‘sene demokrasîye, a yunankî ra yena marê çi çîyê yunanî ra.’
Anadolîye de haştîye û demokrasî qeyta ronênîştî. No zulm teyna mexsusê roza ewroyene nîyo.
No zulm osmanizî ra mendo, Atatürk ra mendo. No zulm Demirel ra, Çiller ra, ANAP ra, MHP ra û CHP ra mendo.
Dîktatoro pîl RTE rêça nînan rameno. Çîyo newe çîno Anadolîye de, gonî ra qederî.