YJRK’ê destnîşan kir ku Rejîma Îranê li aliyekî bi taybetî şîdeta li ser jinan zêde dike, li girtîgehan jin û ciwanan dikuje û di heman demê de jî behsa demokrasî û erka jinan ya li xwedîderketina li welat dike. YJRK ev wekî siyaetek durû binavkir û got; “"Hemû êriş û şîdeta rojane li ser jinan dewam dike, xwekuştina bi sedan jinan, encama siyaset û yasayên nedomorkatîk yên rejîmê ne."
Di daxuyaniya YJRK’ê de weha jî behsa rewşa jinên li Rojhilatê Kurdistanê de tê kirin; “"Li Kurdistanê jî ji ber van siyasetên rejîma Îranê, rojane bi dehan jin an tên kuştin, yan jî xwe dikujin û xwe di şewitînin. Li hember dorpêça navnetewî ya li ser xwe û nerazîbûnên hundir, Rejîma Îranê, bi mebesta xweparastinê vê siyaseta nemirovane dixe dewrê. Bi taybetî di qonaxa hilbijaritnê de rejîm dixwaze, desthilatiya xwe li ser jinan û hemû civakê ji nû ve ferz bike û wekî rewabûna xwe nîşan bide."
Tevgera jinên Rojhilatê Kurdistaê anî ziman ku ev kirinên dewletê ne tenê wê nikaribin li ber daxwazên jinan û gelên li Îranê, ev siyaset wê rejîmê têxin çalek kûrtir ku ew bi destê xwe dikole û destnîşan kir ku lewra divê rejîm, guhertinên li herêmê û behara gelan rast bixwîne û dersan jê derxe. YJRK’ê bang li hemû jinan kir ku di vê qonaxa dîrokî de, bi pêşxisitna serhildanê li hemû qadên civakê, dawî li siyaseta serkutkirin, înkar û pîlanger a li ser Kurdan bînin. YJRK’ê bi taybetî ji jin û ciwana nexwest ku bi neçûna ser sindoqên hilbijartinê, nerazîbûna xwe ya li hember zihniyeta mêrparêz ya Komara Îslamî ya Îranê nîşan bidin.
ANF/SINE