Şerwananê Ereban ra Ehmed Himoyî va ‘vera faşîzmê DAIŞî de heme hetî ameyî têhet’ û wina domna: “Ma seba ke zîhnîyetê talanker, biqedênî, sîleh girewto destê xo. Eke ma heme bibî yewe o wext ti kes nêeşkeno bi ma. Ma do heta ke çeteyê DAIŞî erdê xo ra pak bikerî, şer bikerî.”
Îbrahîm Salehî zî dîyar kerd ke domanê ereban vera DAIŞî de xeylê bedelî dayî û wina va: “Ma hewl danî waştişê şarê xo bîyarî ca. Heta ke Reqa azade biba, ma do şer bikerî. Heme çîyo ke ma kenî, seba cuyayîşêko ortax yê şarê Sûrîye yo. Ez bawer kena ke ma do bişînbî bikerî. Şare Sûrîye nê çeteyê talanker û qetilkaran ra zaf antî. Ma do bêrîya şarê xo ya seba azadîye bîyarî ca.”
Şerwanan ra Gelhat Hesekêyî zî wina va: “Ez seba ke Reqa destê DAIŞî ra bixelisîyo, beşdarê hemle bîya. Verê cu zî mi Hesekê de şer kerd. Ez veng dana ciwananê ereban ke seba destê DAIŞî ra xelisnayîşê bajaran wa ciwanî beşdarê QSD bibî.”
DÎHABER / REQA