Goreya xeberê rojnameya Tarafî, maya fermandar Yavuz Sonat Guzelî, Emîne Guzel cenazeya lajê xo de vato ke; ‘Ti kurayê Tayyîp!’ peynî zî ser înternetî tîmê Aktrolî zî dijî na cenîye dest pê kampanyaya lincî kerdî. Çi balo ke demo ke kesekî AKP, hukimet û Erdogan rixnet bikero no demî, tîmê Aktrolî hêrişê nê kesan kenî.
Tewr peynî demî de nengê çinayişî Aktrolan ra bertek her ke şona zêdîyeno. No tîmê Aktrolî peynîya Xoverdayişê Gezîye ame sazkerdiş. No tîm zey ekîbê AKPe ser çapemenîya komeleye de xebatê keno û sazgehîya no tîmî de zî Rayedarê AKPî ca girewtî, endamê no tîmê zî taybetê endamê AKPe yê polê ciwanî. Peynî zî her ke şîyo hûmarê no tîmê zêdîyayo û nika hûmarê no tîmê 6 hezar o.
No tîm taybetê twitterê sexteyî ser, kesê muxalîfî ra hêriş kenî. No tîmî di ekîb aver beno. Kadroya çekîrdeka no tîmî de 30 kesî ca gênî. Kamî ra hêriş bêro kerdiş, kamî ra neng bêro çinayiş no kadroya çekîrdek bir dana.
Nê 6 hezar kesî serxo nêxebityenî, no tîmê 30 kes aver beno, sifteyin twittero sexte ser, kesîke neng bêro çinayiş dîyar keno, peynî zî Aktrol zî dest pê no kesî ra hêriş kenî. Qet mîyanê xo de endamê no tîmî telefon reyde qise nêkenî, ser twitterî ciresayişê xo kenî.Endamê no tîmî 20 serrayî û AKPijî no ser zî nê Aktrolan xo ra zaf bawer kenî.
NAVENDA XEBERAN