Sawciyinê Adana 19’ê çileya 2014 de, raya Adana û Ceyhan sero heveyê tirî vindarnaybî.
Badê vejiyabi werte ê tiran miyan de, tifîngî estê. Rayveranê tirk sernî de vat ki, ê tiran miyan de alîkariyê warden û derman ê qandê tirkmenanê Suriye esto. Hukumetê AKP qerarê miyanîkîn da vetin û nêwast şar çiyê ê tiran miyan de esto bizano.
AKP bado jî, ê sawciyê tirî vindarnay wezîfe ra girotî. Serokkomarê tirk Tayîp Erdogan’î û rayveranê AKP bi desan finî vat ki, ê tirk sirrê dewletê û kesê çiyê ê tiran miyan de eşkere bikirê jî, xayinê.
Koliyan derman de tifîngê giranê
Verê çend rojan alîkarê Serokê Giştî ê AKP û namzedê Sêrtî Yasîn Aktay îtîraf kerd ki, ê tiran miyan de tifîngî estîbî.
Nika jî dîmen û fotrafê ê tifîngan vejiyay werte. Fotraf û dîmenê ki jew rojnameyê tirk vetî were, fina bîn hetkarînê AKP û komanê çete rafîneno çiman ver. Dîmenan de vîniyeno miyanê koliyan derman de tifîngê giranê rêşiyenê Sûriye.
Goreyê dîmenan çiyê aysenê winayê: Hezar hawanî , hezar guleyê hawanan, 50 hezar fîşekî, 30 hezar fîşekê tifîngana gird û giran, enê dîmenê qalkerdey teniya ê jû finê.
AKP xeylê finan û bi rayanê ciya tifîngî rîştê û rêşena Sûriye. Enê tifîngê qalkerdey jî, qandê komanê zey DAIŞ, Ahrarur Şam û El Nûsra rêşiyayê. Enê koma çete jî, sernî de Rojawa, xeylê cayanê Suriye êrişanê sivîl kenê, cenî û qeçikan kişenê, cayanê sivîlan talan kenê û dinya de zey komê tecawizkarî silasiyenê.
NAVENDA XEBERAN