Tirkîya amadekarîya hêrişê Kantonê Efrînî kena û no het de çend rojî verê Kanton ser de bi topan hêriş viraştbîye. Sîyasetmedar û Berpirsîyarê Akademîya Sîyaset û Fikrê Demokratîkî Dr. Fayîq Gulpîyî babete ser o qisey kerd. Gulpîyî kerdişanê Tirkîya rixne kerd û wina va: “Dewleta tirk rejîmêko faşîst o. Dewleta tirk qezencanê kurdan qebûl nêkena. Cok ra kura de kurdî bibî wayîrê qezencêk, dewleta tirk hêriş kena û hewl dana ke çinî bikera. Labelê sernêkewena.”
Wazena biba wayîre
Gulpîyî qiseykerdişê xo de hedefê dîyinî yê Tirkîya ser o vindet û wina va: “Tirkîya hedef kena ke têkşîyayîşê çeteyanê DAIŞî erey bikera. Semedo ke têkilîya bi hawayêko cîya çeteyanê DAIŞî reyde têkilî ronaya. Seba ke Tirkîya tersena ke do DAIŞ ra dima dore bêra ci bi xo. Dewleta tirk seba ke bişînbo operasyonê Reqa zeyîf bikera, hêrişê Kantonê Efrînî kena. Dewleta tirk wazena ameyoxa Sûrîye de biba wayîrê rolêk. Eke Tirkîya Sûrîye de herêmêk bigîra bin kontrolê xo, o wext do Sûrîye de biba wayîrê rolêk. Labelê nê tehdîtanê xo reyde eke şer nêkero, tayê qezencê sîyasî zî dest ra şonî.”
Tirkîya do bi hêrişî têk şêra
Gulpîyî peynîya qiseykerdişê xo de dîyar kerd ke şarê kurd Efrîn de mil bi mil YPG û HSDyî reyde do şer bikerî û wina domna: “Şar bi no hawa bîyo îradeyêk. Şar bêxera hêzê xo yo pêrabeste yê Efrînî, wayîrê îradeyêko pîl o û hetê cografî de zî wayîrê stratejîyêk o. Goreyê mi ger dewleta tirk hêrişê Efrînî bikera, do seba leşkerê tirk bikera. Heta nika Rûsya û Amerîka xo hetê fermî de nîşan nêdayî. Beno ke biwazî rayîr bidî Tirkîya ke sînor derbaz bikero. Seba ke heta nika çi planê Tirkîya yê hetê mîyanneteweyî de bibî, hêzê mîyanneteweyî muhîmî nêdanî nê planan. Cok ra Tirkîya do bi hêrişî têk şêra.”
ROJNEWS/SILÊMANÎ