Tirkîya de badê teşebusê derbe û îlankerdişê rewşa OHALî, demokrasî û huqûq mîyanê şarî ra wedarîya. Hemwelatîyê ke wayîrê bawerî, sîyasî û îdeolojîyê cîya cîyayan î, Kocaelî de vera bedilnayîşê qanûno bingeyî de bin nameyê Tevgerê Demokrasî yê Kocaelî de ameyî têhet û rêxistinbîyayîşê xo awan kerdî.
Babet ser o verfekê tevgerî Bekîr Yurdagul, Alî Haydar Konca û endama KDGyî Arzu Erkane qisey kerdî.
Bekîr Yurdadagulî qiseykerdişê xo de wina va: “Her kes xo anto hetêk û heme çîyan temaşe keno. Hedefê ma cesaret o. Ganî ma cesaret bidî şaran û raştîya tarîtîya Tirkîya bidî famkerdiş.”
Tirkîya ver bi faşîzmî şona
Alî Haydar Koncayî zî qiseykerdişê xo de bale ant antîdemokratîkbîyayîşê Tirkîya û wina va: “Tirkîya ver bi faşîzm û otorîte şona. Komeleyê demokratîkî orte ra wedarîyayî. Tevgerê ma bi hêrişan ra dima awan bî. Eke sîstemê îqtîdarî meclîs de bêro qebulkerdiş, Tirkîya do ver bi tarîtî şêro. Ewro ganî ma vera neheqîyan de têkoşîn bidî.”
Arzu Erkane zî qiseykedişê xo de wina va: “Kocaelî de şîddet zaf o. Ma do her wext vera şîddet, îstîsmar û qetilkerdişan de têkoşîn bidî. Parlementerê ma yê HDPyî hepisxaneyê Koaelî de yenê vindarnayîş. Tevgerê Kocaelî do bibo vengê cinîyan.”
DÎHABER / KOCAELÎ