Cayo ke teqîn bî zey cayê tewr ewle vîniyayê. Dewleta tirk û quwetanê ci, nêpawitê cayê zey Xarpêt de, vera Mudurînê Polîsan de çalekîyeke bi na rengî virazîyo. Cok ra na çalekî û tesîrê ci, dewleta tirk vist miyanê şoqekê girdî. Bi çalakiya bombeyin zafê banê Midûrîyetê Polîsan texrîp bî. Dîmenanê çalekî zî tesîrê çalekî rafînay ver çiman.
Destpa zûrîyan kerd
Tenya teverê banê Midûrîyetê Polîsan nê, zerreyê ci zî texrîb bi. Miyanê banê Midûrîyetê Polîsan de, mase, kursî, kompîtor, bi vatena bîna qe çiyê nêbendo. Ena çalekî Tirkîye de tesîrekê zelzeley kerd. Televîzyonê tirk weşanê xo birnay û dest bi weşanê taybetî kerdî. Her çiqas ban texrîb biyo û zere de çiyê ser çiyê nêmendo zî, rayveranê tirk îdîa kerd ke tenya 3 polîsî merdê û vêşiyê 170 biyê dirbetinî. La belê dîmenî zûrîyanê înan ravistê çiman ver.
Qedexeyê weşan day
Rayverînê tirk û hikumeta AKP zî, zey hertimî hema kewt miyanê hereketê nimnayinî. Bi raya RTUK qerar da ke, televîzyon, rojnamey û sîteyê înternet ca medê dîmenan û fotoyanê na teqînayiş. Medya tirk zî zey hertimî, hereket kerd û hewl da derbeya ke dewleta tirk werda, binimno. La belê çapemeniya azad, zey hertimî derheqê çalakî û rastiyan de xeberdar kerd. Bi ena çalakiya Serokwezîrê tirk Bînalî Yildirim heme programê xo îptal kerd û şi Xarpêt. Yildirimî homara polîsê merde zey 3ê, yê dirbetinan zî zey 217 da.
Bêdlîs, Wan û Şemzînan de çalekî
Herzewbîn Wan de zî vera Qereqolê Polîsan ê kûçeyê Îskele de, çalakiya bombeyîn viraziyê. Badê çalekî pirodayişî vejîyay. Netîceyê çalekî de xeylê polîsî merdî. Rayveranê tirk îdîa kerdî ke, 1ê ci polîs, 3 kesî merdê, 20ê ci polîsî pêropîya 40 kesî biyê dirbetinî. Bêdlîs Xîzan de zî, quwetanê tirk derbeyekê gird werd.Nezdiyê dewa Gayda de, vera wesayîta lejkerî çalekiya bombeyin viraziya û en kemî 6 eskerî kişiyay, 7ê ci zî bî dirbetin. Qezayê Colemerg Şemzînan de zî, vera noxteya kontrolî ê polîsan çalekî virazîya. Rayveranê tirk îdîa kerd ke, teniya 3 polîsî biyê dirbetinî.
NAVENDÊ XEBERAN