Mîyanê kulturê kurdan de cayê dengbêjî (deyrbazî) zaf muhîm o. Seba ke tarîxê nuştekî yê kurdan aver nêşîyo, hîna zaf kulturê dengbêjî aver şîyo. Bi rayîrê dengbêjî heme dej û kêfweşîyê komelî tarîx ra heta roja ma yenî ziwan. Meryem Tuncera 41 serreyî ke eynî wextî de dengbêje ya, torina xo Arîne bi deyîranê dengbêjî kena pîle.
Babete ser o Meryem Tuncere qisey kerde.
Dengbêje Tûncere va ‘kulturê dengbêjî bi rayîrê cinîyan neqlê jenerasyonanê neweyan benî’ û wina domnaye: “Ez şenikîya xo ra nata bîya şahidê zaf çîyê ke Kurdistan de bîyî. Nê çîyan ra yê ke nêameyî nuştiş, ez bi deyîranê xo ana ziwan.”
‘Ez torna xo bi kilaman kena pîl'
Dengbêje Tuncere wina va: “Mi domanê xo bi deyîran kerdî pîl û ez torna xo Arîne ke nameyê Arîne Mîrkana ke Kobanê de şerê vera çeteyan de şehîd bîye, gêna bi deyîran kena pîle. Ez wazena ke wa Arîne zî biba dengbêje. Her kes vano ke domana 4 aşmî deyîran ra çi fam kena, labelê qaso ke ez hîs kena doman û torna mi deyîrê ke ez vana, hîs kenî.”
ŞÛJIN / WAN