MÎT çek şiraweno çeteyan rê
Mijarî ser de Pekînî wina dewam kerdo: “Karêy ke MÎT bikerêy belî yê. MÎT nêşkeno Surîyeyî de hareketeke rayîra bibero. Ma bi mîyangineya MÎTî teror îhracê welateke cîranê xo kenêy. Hetê ney de MÎT wexta ke ney keno lejkerêy bi pere xerç keno. Siba êy çekîy bişêrêy çica belî nîyo. Tikey çekêy muhalîfan bi destê MÎTî reseno înan. MÎT ‘cîhatçîyan’ ra çek şiraweno. Tikêy şîrketêy naylon ke bi gişta Katarî ameyê hadrekerdiş serî ra lejkerêy bi pere IŞID, El Nusrayî ra sewqîyatîy benêy. Şîrketîy bi nameyê MÎTî xebat kenêy, çimkî bi hawayeke bîn nêşkenêy bixebityê… Lazimo ke hukûmat verbê ney bivindero… Lazimo ke MÎT zî ney bişopno. Biewnêy dozgerêy ke TIRan vetî orteyî se bîy?
Xeta ya TSKyî yo
Dergeya dazanayişê Pekînî wina dewam kerd: “Qilaban de Tirkîyayî komlo viraşt. Waxta ke merdim predatorî ra ewnîyeno merdim vîneno ke kaçaxçî yê. Lazimbi ke Genelkurmay destûra bombe eştişî qebûl nêkerdayê. Sûcê pîlotî çîno. Destûra koordînatî çorî ra ameyo ey ra. Nêşkeno çîyeke bivajo. Yeno vatiş ke Bahoz Erdal zî înan kaçaxçîyan mîyan de yo. La şima nêşkenêy semedê ey 40 kesan bikişêy. Eke cendermeyan ra bîyamaynê pesayiş do bersiva înan kaçaxçîyê bibîyayê. Xeta ya TSKî yo. Cayeke bînî de xetayî geyrayiş raşt nîyo… Heta ke destûra perayişê teyareyeke zî genelkûramayî ra meyro se nêşkeno bipero. Qilaban xalake ageyrayişî bi. PKK oncîya qada sîyasî. Herîşa Daglicayî zî hinî bi. Wexta ke wina ewnîyeno zey qest eyseno. Lazimo ke kesêy ke destûr dayê ser de cigeyrayişêy têkilîyan bêro ewnîyayiş…” (www.lekolin.com)