Tuba Gur do tûrnûva de Amedî temsîl bikero

Beşa Mudirtîya Sporî ya Serekîya Dayîreyê Xizmetê Sosyalan a ke Şaredarîya Şaristano Gird a Amedî ser o xebatan kena, Temsîlkarîya Şaristanî ya Amedî ya Federasyona Kişike ya Tirkîya, û Mudirtîya Şaristanî, Spor û Ciwanan a Şaristanî pîya Turnuvaya Cenîyan a Yewinîya Şaristanî organîze kerd. Turnuva Sumerparke de Odeya Perwerdeyîya Kişike de virazîya.Na turnuva reya yewin a ke Amed de virazîyena.14 cenî yê sporvan beşdarê turnuvaye bî. Sporvana Taximê Kişike ya Şaredarîya Şaristano Gird a Amedî Tuba Gur, 5 maçî zî pêro qezenç kerdî û bî yewin. Gur, sibaroj Şampîyonaya Cenîyan a Tirkîya de şaristanê Amedî temsîl kena. Perwerdekarê Temsîlkarîya Şaristanî ya Amedî ya Federasyona Kişike ya Tirkîya Sitar Yurtsever, Şampîyonaya Tirkîya de Tuba Gure rê serkewtiş waşt. Yurtseverî îzeh kerd ke, semedo ke wa satranç vila bibo Sumerparke de bêpere perwerde danê gedeyan û perwerdeyî dewam kenê. 

 AMED