Badê ke unîversîteyan de akademîsyenî ameyî îxraçkerdene û hetê resayîşê zanayîşan de kemane virazîya, tay wendekarî ameyî têhet û bi nameyê ‘Ahtapot Tirkîya’ de grûbêk awan kerd. 300 endamê na grûbe estî û armancê na grûbe o yo ke hîna zaf piştî bidî yewbînan û wendekar û akademîsyenan rê hîna zaf war biakerî.
Goreyê xebera ke rojnameyê Gazete Duvarî, Serekê Grûbe Umut Bozkurtî dayo zanayene ke înan kêmbîyayîşê zanayîşo ke unîversîteyan de yeno dayene, wedarîyayîşê nizdîbîyayîşo objektîf, dejenerebîyayîşê wendekaran ver na grûbe awan kerda. Bozkurtî dîyar kerdo ke ê girêdayeyê ti cayî nîyî û cok ra herkes eşkeno beşdarê na grûbe bibo û fikranê xo grûbe de vajo.
AMED