Wezîrê Weşîye yê Tirkîya Fahrettîn Kocayî nêweşê virusê Korona ê Tirkîya û Bakurê Kurdistanî aşkere kerd. Bajarê Kurdistanê Vakûrî gorê tespîtê Wezaretîya Weşîye ya Tirkîyaye 605 kesî bi vîrusê korona (Covid-19) kewtê. Koca îzah kerd ke, ez zêde nêweşê vîrusê korona Îstanbul de estê û pey ra zî Îzmîr û Enqere yenê û 39 bajaranê Tirkiye û Bakurê Kurdistanî de Covid-19î ra merdê estê.
Gorê beyanatê Kocayî bajaranê Kurdistanê Vakûrî de zî 605 kesî bi vîrusê korona kewtê. Hûmara nêweşan yê bajaranê Vakûrî wina ya: “Erzirom 86, Sêwaz 67, Meletî 49, Dîlok 37, Riha 34, Mêrdîn 34, Sêrt 32, Agirî 29, Amed 26, Semsûr 26, Wan 26, Qers 25, Îdir 25, Bedlîs 22, Erzîngan 17, Kilîs 16, Meraş 15, Xartpêt 9, Çewlîg 8, Colemêrg 7, Êlih 7, Erdexan 5 û Şirnex 3 kesî bi korona kewtê.” Heto bîn ra Odeya Doktoran a Amedî aşkere kerdbî ke heta 30 Adara 2020î tena Amed de 150 kesî bi vîrusê korona kewtê û 5 kesî zî na nêweşî ra merdê. AMED