Nanê tirşikî, taybetî Kurdistan de demê dawet û veyveyan de meymanan ra yeno îkramkerdiş, sifte Dadgeha Mekaqanûnî heqê tirşikî de qerarêk da. Mîyanê tirşikî ra seba ke tewir bi tewir zerzevat yeno ronayiş, no ser Kurdistan de taybetî kesê fuzulî ra ray ray tirşik ya zî tirşikçî yeno vatiş. Demê Xoverdayişê Xorayîrberdişî de nêzdî 2 hezar akademîsyenê bi şîara ‘Ma no sucî ra wertax nêbenî’ aşkerayêk dabî la peynî bi seyan akademîsyen ameybî îxraçkerdiş. Wendekarê Fakulteya Cîgîrayeyî Çagri Yilmaz, hesabê xo yê medyaya komelî de vera îxracbîyayişê akademîsyenan de bêvengmendişê Rektorê Unîversîteya Enqere Îbîşî ra seba bertek nîşandayişê mesajê ‘Îbîşo tirşik, ez zî vano nê, haydi mi zî bierze unîversîteye ra’ bar kerd. Mahkemeya yewin heqeret qebul kerd Rektorê Unîversîteya Enqere Îbîş, heqê Çagri Yilmazî de bi îdiaya ‘gef û heqeret’ gerreker bî, gerraya ser o zî mahkemeya yewin heqê wendekarî de bi îdiaya heqeretî 8 hezar û 840 TL cezaya pereyî da. Cezaye ser o Çagri Yilmaz Dadgeha Makeqanûnî ra serpiro da û Dadgeha Makeqanûnî zî vatişê tirşikî sey azadîya ifadeye erjna û qerarê mahkemeya yewine betal kerd. MERKEZÊ XEBERAN