Raperîn Amed Andok ser veçînayîşê 7’ê Hezîranî ko Tirkîya û vakurê Kurdistanî de virazyena nirxnayiş kerd û ard ziwan ke tarîxî ra heta enka heme partîyên ko hameyê ser desthilatdareyî, şarê ma înkar kerdêy, kiştêy û kerdêy vinî û vat: “Ez vana ti ferqa AKP û MHPyî çînyo. Wirdî zî zê jûbînî yê. Ez veng dani şarê mayê kirmanc yê Solaxan, Darahênê, Çewlîg û Dêrsim û yên tewr bi tewr cayan de cuyenêy ko vengê xo nêderêy AKPyî biderêy HDPyî.”
Temenê qijî de koçber bîya
Raperîn Amed Andok ard ziwan ke verbê zilma dewlete mecbûr mendêy ke Solaxan ra koçê Pasûrî û bado zî deweke Licê bikerêy. Zilim û zordarî verî ra cuyayişê înan koçberî ravêraya. Semedo ke domantîya xo de zilm û zordarî pergalî ra vînaya verbê pergalî her tim vinderta û qebûl nêkerda. A û waya xo ya pîl pîya beşdarê refê PKKyî bîyê. Waya ci Kobanê de şehîd kona. A zî na gam YJA Star de wa.
‘Çekêy xo veradê’
Andoke ard ziwan ke malbata ay her çiqas warêteya dawayî kerdbê se zî, hetê xalê bayê ay korocîtî kenêy û enî zî zê polîtîkayê dewletî bi zanayî wazenê kurdan jûbînan de perçe bikerê û wina vat: “Ez veng dana heme korocîyan kena û ke têkoşîna kurda berz bîyo û rûmetê heme merdimî mîyanê xo da girena, seyîn şima heta eka enî sîlahan veranêdanê? Enî ta têkoşîn amî viratiş, enqas gonî ameyo rijnayiş, qey çi ti sileh genê û li hemberê birayê xo şerê birakujî kenê? Ez wazena semedê xalê bay xo ku enka jî korociyî vana gere şima çimanê xo akerêy û raştîyê neyarê xo bivînê. Ê ko şima enka rayîra keş ima tederêy neyare şima wa. Gere enî baş bivînî ke neyarê îne enî çiqas kerd xizmetê xo û pê îne însanan da kiştiş. Korocî hemberê gerîlayên ke semedê azadîya şarê xo şer kenêy û gonî rijnenê ver îne de ca bigorê. Ger şima sîlahê xo verdê û bêre barê waye û birayê xo da ca bigerêy. Eka sîlehê xo biverdê û pê raştîya xo da biçê ko PKK şima efû bikera. PKK her roj semedê welat û şarê xo, xo kena feda. Ger enî tay gonî amerijnayiş û ked ameyadayiş şima enî nêzanê û pê polîtîkayê dijminê xo yê lîşin de şinêy do rojeke şima bido winîkerdişî.”
‘Ma veng medê dijmiinê xo’
Dergeya qiseyê xo de Andoqî bal ant veşnayişê dewêy ke 1995 dewleta tirkî veşnayî. Û ard ziwan ke a demî de zî Anadok zî veşnayê û wina dewam kerd: “Wexta ke DYP ser karî de dewêy ma ameyê veşnayiş. Belkî bi destê AKP nêbîyo la zîhnîyetê înan eynîyo. AKP bi heman zîhnîyetî ancî zî reynî polîtîkayê xo dana ramitiş. Gere enî raştî zî bêro zanitiş. Gere şarê ma semedê enî fek enê dijminan ra verado û hesap bi vengdayina HDP bi perso. Wa şarê ma biçarnê dewê xo û wa koyanê xo da bicuyê. Gere zilma dewlete zî xo vîrî ra nêkerêy. Eka enî çî heme yene zanayîş û zîhnîyet û polîtîka dewleta tirk xo ra yena şinasnayiş. Ger ser enî neyarê ma baş bizanêy. Ger şima neyarê xo baş bişinasnê go a çax şima raşteyî zî bivînî. Ger raştî vîna, go pirsgirêkê şarê ma yê têkoşîn danêy do hewna bi qewet bo.”
Cenî pêşengey ma yê
Andokî dergeya qiseyê xo de qala pêşengteya gerîlayê cenî kerd. Ard vîr ke pêşengtîya lejkerî û sîyasetî cenî kenêy û wina mijarî hîra kerd: “Ez vana eka bi desan ombazêy ma yê cenî estêy û semedê welatê xo gonîya xo rijnayê. Enîy zî semedê ma nirxeke herî pîl a. Wa mîyanê civakî de zî bi pêşengtîyê ombazê cenî tekoşîna ma bêro ramitiş. Eno yena wateya ke baweriyê Rayver Apo bi cîniyan esta û vana cenî wahîrê qeweteke pilî yê. Ombazêy cenî wayirê edalet, raştî û îradeya xo yê. Qey enîy zî Rayvertî vana wa pêşengtî yê enî têkoşîn cenî bikerê. Qey enî zî Rayverê ma tekoşîna PKK kerd miqatê cenîyan? Enî het ra îradeyê cenî jî zexm o. Qey têkoşînê PKK û eka hereketa HDP zî pêşengtîyê cenî herî pêş de yo. Ez vana ger çiqas şêro go cenî û civaka ma gorê îradeya cenî dayo ortê.”
AKP ombazê DAIŞ a
Raperîn Amed Andok verbê peynîya qisekerdişê xo de bal ant ser hewkareya AKP û DAIŞî ser û wina vat: “Ez vana ya ko Kobanê de alîkarî da DAIŞî û DAIŞ berd domanê ma û verbê kurdan şer kerd, AKP bi. Semedê enî, ma vanêy ti ferqê AKP û MHP çînyo. Armancê înan yê hevpar kurdan orteyî ra vedarê yo. Enîy gere baş bizanêy û eşîretêy dûrî de zî wa enî têkoşînî biderêy û warêteya rûmeta xo bikerêy û ke raştî bivînî.”
Serkewtiş yê şarê ma yo
RaperÎn Amed Andok peynîardişê qisayên xo wina vat û qedîna: “Wa şarê ma yê Solaxan, Çewlîg, Darahênê û Dêrsim, Amed û cayêy bînîy enî veçînayîş wahir bivecyê û ez vana serkewtiş ya ma wa, enka ra belî ya. Ez bawera şarê ma yê kirmanc a ke êy zî raya xo biderêy HDPyî. Ez veng dani heme raydayoxan ke destê xo biderêy vîjdanê xo ser û hinî rayan bierzêy. Bierzêy ke serkewtişê şarê ma hewna weş û geş bibo.”
‘Wayirê têkoşînî bikerêy’
Andoqî dergeya qiseyê xo de veng da heme cenîyan ke wa wayirê têkoşîna cenîyan bikerêy û şarê xo sereberz bikerêy û wina vat: “Ez vana hin cenî estêy vanê ma êdî bî wahîrê domankerdişî ma ra şîyo. Ez vana heya ke sareyê ma estbo no têkoşînî ra astengîyê çîno. Qey enî veçînayîşî de pirsgirêkê şarê ma yê xo naskerdiş çinîyo. Ê ko îradê şarê ma temsîl kena HDP wa. Gere şarê ma xo bin zilma Erdogan û AKPyî de nêverdêy û wa wayirê reyanê xo bivecyê. Ma vat polîtîkaya AKP zaf lîşin a, bena ko reyan bivêşno, qey enî zî gere şarê bi şew û roj li rayanê xo wahir vecyê û gere hêşyar bibêy.”
Kişta bînî de Andoqî qala zim û zordarîya AKPyî ke cenîyan ser de kerdo kerd û wina dewam kerd: “Dema ke AKP ame ser hukûmatî semedê cenî demekê herî sîya dest pê kerd. Qey cenîyan xo vêşnay, xo kişt û daliqnay? Wazenê enî zîhnîyet bêro kiştiş û binî ra kok bivejyo ke rayîra raşt bivînîyo. A wext ancax îradeyê înan temsîl bibo. Wa nêvajê ma bê çare mendê! Wa verê xoverdayiş bidê îradeyê xo bixelisnêy rayî ra n ey zî raydayişê HDPyî ra ravêreno.”