1ê sibate de mabênê îdarekarê TVyan û Heyeto Corên yê Televîzyon û Radyoyan (RTUK) de kombîyayîşêk virazîya. Kombîyayîş de çalakî, teqayîş û rewşa xirabe de tedbîrê ke bêrî girewtiş, ameyî munaqeşekerdiş. Qerarê ke kombîyayîş de ameyî girewtiş rewşê winasî de vîşêrê zanayîşê meqamê fermî ‘deqaya peyêne û xebera germe’ do TV û radyoyan de nêrî dayîş. Verfekê Însîyatîfê Çapemenîya Azade Hakki Boltanî derheqê qedexeyê RTUKî de qisey kerd.
Boltanî qiseykerdişê xo de va ‘xeberê ke yenî viraştiş, îznê îqtîdarî rê manenî’ û wina deman kerd: “Îqtîdar û hukmat çi biwazî, aye danî TV û radyoyan. Bi no hawa wazenê ke raştîyan biniminî. Rewşa nimitişê raştîyan nîna qebulkerdiş. Tirkîya hetê azadîya çapemenî de ver bi tarîtî şona. TV û radyoyan de nêdîyayîşê raştîyan felaket o. Îqtîdar û hukmat estena xo împaratorîya tersî reyde awan kenî. Hedefê hukmatî o yo ke qelemanê xo yê taybetan biresnî. Labelê ma parçeyê çapemenîya azad î û ma fikrê çapemenîya azade meşnenî. Ma rayîrê embazanê xo yê ke ameyî tepiştiş û qetilkerdiş de şonî. Her çiqas ke ma bêrî qetilkerdiş zî ma raştîyan ra fek veranêdenî.”
MELEK YUKSEL / OMER ÎKE / ANF / AMED