CÎHAN BÎLGÎN / ANHA/HESEKÊ
9’ê citmenga 2019î ra nika vera Surîyeya Rojhelat û Vakûrî de hêrişê Dewleta Tirk û çeteyan domyenê. Nika rewşa adirbestî esta la hêrişê çeteyan Til Temir, Ey Îsa û Zîrgan de domyeno, vera nê hêrişan zî xoverdayişê şerwanê Meclîsê Lejkerî yê Suryanîyî û Hêzê Pawitişî yê Haburî esto.
Fermandarê Meclîsê Lejkerî yê Suryanîyî Aday Rabo vat ke taybetî nê çend rojî hêrişê Dewleta Tirk û çeteyan zêdîyayê û wina dewam kerd: “Dewa qezayan wazenî îşxal bikê, vera nê hêrişan hêzê ma xoverdayişê xo domnenê. Bi ca nîşandayişê teyyaran ser o bombe û top varnenê.”
Rabo rewşa dewanê stratejik ser o wina vat: “Dewa Dîrdarayî ra hêriş zaf ê, hêzê îşxalkar wazenê bi girewtişê no qezayî mabenê Til Temir û Zîrgan bibirnê. Wazenê cayê îşxalî zaf bikê la ma do destûr nêdê. Nika mezraya Çêlekayî de hêzê lejkerî yê Rus û rejîmê Surîyeye estê, her roj îşxalkaran hêriş kenê la vera nê hêrişan hêzê Rus û rejîmê Surîyeye bêveng ê. No zî mojnanî ke hêzê Rus û rejîmê Surîyeye tena xo nîşan danê. Ma do herranê xo bipawê. Tornê osmanijan wazenî Til Temirî ra heyf bigê do Til Temir îşgalkaran bibo goristan.”