Bi serranê ke tenûr seba nan pewtişî şuxilyeno la sewbî cayan de zî tenûr pewtişê nanê xocayî de zî şuxilyena. Nanê tenûre vertax mîrasîyê Kurd, Ereb, Fars û Azerî yo. Polîtîkayê şaşî yê îqtîdarî ser o nika krîzê ekonomîye yeno cuyayiş. Êdî zey verin nanê tenûre nîno viraştiş la şar hema zî sifra xo de nanê tenûre rê ca dano.
Dewa Xoltoyî ya Dîlokî de bi usulê îmeceyî cenîyan nanê tenûre virazenê. Hem vera krizê ekonomîye de têkoşîn danî hem zî mîrasê kultirê xo pawiyenê. Dewij Nîmet Doğan vat ke seba ekonomîya keyeyî nanê tenûre zaf bi muhîm o, cenîyan bi usulê îmeceyî seba bi desan keyeyî nanê tenûre virazenê û vera krîzê ekonomîye de têkoşîn danê.
Nanê tenûre pîroz vînenê
Hewna Sîbel Ozer zî aşkera kerd ke bi viraştişê vertaxî yê nanê tenûre verê cuyayêka komunalî akena û wina vat: “Çi heyfo ke her çik vaye bîyo. Eke cenîyê ma, bi vertax têbigêrî do ameyoxê domanê xo zî binê temînatî bigê.”
Kamer Dogan zî aşkera kerd ke çi heyfo ke her çik rê bacî danî, goreyê îqtîdarî cenîyan sinifê bînî de manenê û mehkumê merdeyî yenî dîyîş û ekonomîye rê tewro rind cenîyan do hetkarî bidê.
JINNEWS/DÎLOK