​​​​​​Vera krîzê ekonomîye  xebat kenê

Lîraya Surîye her ke şona vera dolarî de erjîyaya xo vînî kena, nika Surîye de krîzê ekonomîye esto. Rayberîya Xoserî ya Surîyeya Rojhelat û Vakûrî zî seba ke şar no krîzî rê zirar nêvîno vergirewtian gêna. Tewro peynî Amûdê de krîzê ekonomîye ser o kombîyayişêk ame viraştiş. No kombîyayiş de ame qerar girewtiş ke vayê sey nan, ceryan, şekir, çay, riwen, şîta domananî sabît bimanê. Çarşi û bazaran de seba kontrolkerdişê fîyatan komîteyan ronîya.

Bi ekonomîstan komîteyêk

Rayberîya Xoserî vera krîzê ekonomîye awankerdişê polîtîkayan ser o bi ekonomîstan komîteyêk awan kerd. Babete ser o Hemserekê Meclîsî yê Mintiqaya Cizreyî Talat Yunis qise kerd û vat ke seba ke ekonomîya Surîye têk şîya no ser zî krîzê ekonomîye yeno cuyayiş, Rayberîya Xoserî zî seba şarê xo bi ekonomîstan xebat kena.

Yunis ard vîr ke Rayberîya Xoserî hetkarîya ceryan şarî rê kena û wina domna: “Çarşi û bazar de kesî ke seba menfaetê xo têgêrîyenê verba înan vergirewtişan girewtê û seba kontrolkerdişî zî komîteyan awan kerdê. Komîteya ekonomî rê rayberîyê xoserî zî beşdar bîyê. Rayberîya Xoserî zî do bi pêşnîyazê komîteya ekonomî polîtîkayê vergirewtişan awan bika. Vera krîzê ekonomîye şerto ke ekonomîya xocayî awan biba.”