Dezgehê Aktion Dritte Welt Saar û multecîyanê Saarlandî yê ke Saarbruckenê Almanya de xebatan kenê bi wesîleya Hewteyê Heqanê Merdiman kampanyayêka newîye daye destpêkerdene.
Dezgehanê komelê sivîlan pare kerd ke qedexeyê PKKyî heqê şarê kurdanê ke Almanya de ciwîyenê binpay keno. Dezgehî hewr hewte vînayîşê kesan ê namdaran pare kenê û vera qedexeyî nêrazîbîyayîşê xo mojnenê.
Endamê CDU Atrjur Bîesalskîyo ke beşdarê kampanya bi û heman wextî de dêra katolîkan de xebatan keno vat: “Qedexeyê PKKyî nêno qebulkerdene û ganî cade bêro wedaritene.”
Îdarekaranê kampanya ra Fertrud Selzerî vat ke kesê ke wazenê beşdarê kampanya bibê, fotograf û vînayîşê xo pare bikê eşkenê nê hesabê emaîlî ser o biresê înan: fluechtlingsrat@asyl-saar.de
SAARBRUCKEN