Badê ke Êlih de hedîseyê G.ye vejîya orte, ame zanayîş ke hedîseyê winasî Nisêbîn, Şirnex û xeylê cayanê bînan de zî qewimîyayî. Bajar û qezayê Kurdistanî yê ke tede xoserî ameyî îlankerdiş de bi hawayo zanaye çeteyê fihûş û tiryakî ameyî bicakerdiş. Babete ser o Endama Meclîsê Cinîyan ya Şaredarîya Şirnexî Eda Bazencîra ke îxraç bibî, Endama PMyî ya partîya DBPyî Perîhan Agaoglu û aktîvîsta TJA Mervan Tekîne qisey kerdî.
Bazencîre qiseykerdişê xo de aşkere kerd ke seba vindarnayîşê fihûş û tîryakî ê dê raybazê neweyan bivînî. Agaogluye zî vist vîrî ke Fihûş û tîryakî polîtîkayê dewlete yî û seba çareserî hayr ant rêxistinbîyayîşî ser: “Ganî cinî û keyeyê domanan bêrî roşinkerdiş.” Tekîne zî vera îstîsmarê cinsî û tiryak hayr ant muhîmîya xopawitişî ser.
ŞÛJIN/AMED