Di 29 teşrîne saet 15.00’ê de bi navendîya warê Hauptbahnhofa Frankfurte de meş bi dirûşmeya ‘Wa bi lezî qedexeyê PKK bêro hewanayiş û Şorişa Rojawan ra wayîr bivejî’ destpê bikero.Sazîyekê organîzatorê meşî kenî seba meşî veng day. Di vengdayişî de hêrişê DAIŞî bal ame ontiş û wina ame vatiş: “Ganî bêro zanayiş ke hêrişêke ser Kobanê yenakerdiş, hêrişekê ser komeleya aver û şorişker yenakerdiş. Nika Rojawan de modelake komele ame viraştiş û nameyê na model zî Konfederalîzma Demokratîk a. Rojawan seba heme şarê bindestê cayekê ewlehî yo. No ser zî na model ra tena DAIŞ nê heme hêzê kapîtalîst hêriş kenî.”
DAIŞ şaran re gef wenena Di vengdayişî wina ame dîyarkerdiş: “Nika DAIŞ şaran ra gef wanena û DAIŞ hêrişê xo çarçiweya projeyê DYA ‘Cîya biker, parçe biker, îdare biker’ kena. DAIŞ ra tifaqkarê Amerîkaye Katar, S. Erebîsta û Tirkîya çek û pere dayê. Çi heyfo ke Almanya zî nê 21 serra ke bi qedexeyî kurdan krîmînalîze kena. Nika hêzê PKK, YPG/YPJ verba çeteyê DAIŞî bi destanî têkoşîn danî û no ser zî ganî qedexeyê PKK newe ra bêro nîqaşkerdiş û hukûmat zî di na babete de nêzdîbîyîşê xo bibedilno. No ser zî heme kesî demokrat no meşî ra beşdar bibî.”
BERLÎN
