Verba DAIŞî têkoşîna mizgeftê Şêx Seîd

Di Hamburge de CÎK ra gireda mizgeftê Şêx Seîd, verba nijadperestî û helênayişî navenda îslamî yo. Di mizgeftê de ziwanê perwerde û xutbeyî kurdî, almankî û tirkî yo. Mizgeft bi seyan misliman ra xizmet dana. Heme alema îslamîyetî di yew babete de hemfikirî, na babet zî hetanê nika şarê kurd qet îslamîyetî seba îqtîdar, dewleta netew, nijadperestî û helênayişî nêşuxulnayo. Şarê tirk dîna îslamîyetî seba nijadperestîyê xo, farsan seba nijadperestîya xo şîitî, ereban zî serba nijadperestîya xo selefîtî û vahabîtî şuxulnay.
Di Pakistan û Afganistane de zî peştuyan zî seba talîbanî îslamîyetî şuxulnay. Bi no rayîrê wayîrê na zîhnîyete dînê îslamîyetî leymin kerdî. Na zîhnîyet taybetê tirk, pers, ereb û peştun îslamîyetî zey çekê helênayişî şuxulnay.
Çi heyfo ke tay kurd zî binê nameyê maskeyî ummetperestî îslamîyetê seba menfaetê xo şuxulnay. Di Rojawan de hema zî eynî rêgez yena şuxulnayiş. Di Kurdistan, Anatolya û Ewropaye de bi nameyê ummetperestî tay kurdan, tirk û erebkerdişî dewşîrnay û Rojawane ra eşrawitî û nê kurdî dewşîrme nika verba şarê kurd şer kenî.

TÎKA haluna DAIŞ a
Koordînatorî ya na rayvistişî serkewezîrî ya tirk û MÎTî ra gireda Ajansa Averberdişî û Hewkarîya Tirk (TÎKA) kena. Taybetê di Ewropaye de ciwanan bi koordînatorîya TÎKAyî, ser Tirkîyaye di Rojawan de verba kurdan şer kenî.  Di Ewropaye de tena mizgeftê Komeleya Îslamîya Kurdistan (CÎK) no karê leyminî ra silgir nêbenî û sewbî mizgeftan zî no kaykerdiş ra silgir benî.
No kaykerdiş di Kosova de peynîya operasyonê ame belgekerdiş û peynîya no operasyonî zî di TÎKAyî ra gireda 15 mizgeft, komele, waqif, şîrket û dibistan amey qefelnayiş. Di Ewropaye de CÎK ra gireda mizgeftyan de raştî ganîyê îslamî yenî cayê xo ardiş, tam çewtê mizgeftê MÎTî, mizgeftê CÎKî cewherîya îslamî aştî, edelet, zeypêyî, biratî, hakkanîyet û exlaq reyde komeleya îslamî ra xizmet danî.
Mela Seîd aşkera kerd ke ey hîna di no mizgeftê de wezîfe nêgirewto, di no mizgeftê de qet xebatê perwerdeyî nêameyo kerdiş, domananê kurd sewbî mizgeftan ra şîyê, hetta tay domananê kurd bi xapenayişê şîyê verba şarê kurd di Rojawan de di refê DAIŞî de şer kerdî û wina domna: “Nika domananê kurd yenî no mîzgeftê ma, ma hem malbatan hem zî domananê înan reyde elaqadar benî. Taybetê ma babeta exlaq û manewîyatî de hetkarî danî.”Seîd destnîşan kerd ke domanan esil îslamî di noca de bander benî, ê nêwazenê domananê kurd destê çeteyê DAIŞ, El Kaîde, El Nusra, Ahrar-i Şam û Hîzbul-Kontral bikewî û wina peynî kerd: “Zatî armancê çeteyê DAIŞî asan yenî vînayiş û no ser zî ma xebatê çeteyê DAIŞî ser domanan ra perwerdeyê hîşyarî danî. Ma waezê xo de taybetî yewîtîya şaran ser qal kenî, şarê kurd zî zey sewbî şaran netew î û peynîya parçebîyîşê Kurdistanî sewbî parçeyan ra vila bîyê. Hewna her roja yewşeme cenîyan ra waez yenadayiş. Nêzdî 80 cenî beşdarê waezî benî. Ma rojeya Remazanî de zî fitar danî û  Kurdistanijan elaqa mojnenî.”

Waez bi ziwanê tirkî û zaravayê kurdî yenadayiş
Nê mizgeftan ra yew zî di Hamburga Almanyaye de CÎK ra gireda mizgeftê Şêx Seîdî yo. Armancê û xizmetê mizgeft ser îmamê mizgeftê Şêx Seîdî Mela Seîd qise kerd. Seîd vat ke mizgeftê Şêx Seîd CÎK ra gireda yo û wina vat: “Bi qanûnê almane no mizgeft xizmetê xo averbena û Şuraya Îslamîya Hamburg ra zî gireda yo. Mizgeftê ma bi nîzamî wezîfedarê dewleta almanî zîyaret kenî û ma ra agahî gênî.
Ma di 3 aşm de yew kombîyayişê entegrasyonî ra beşdar benî.”Seîd wina vat: “Di mizgeftyê ma de ziwanê waez û perwerdeyê zazakî, kurmancî, tirkî û almankî yena dayiş. Waştişê pêrabestê mizgeftê ma zazakî û tirkî zî xutbe danî.
Nika di mizgeftê ma de 90 wendekar ders gênî û ma roje şeme û yewşeme wendekarê kêna û lajêk ra bi ziwanê zazakî û kurmancî kultur û dîroka Kurdistanî danî.”

HAMBURG