FADIL DONMA HILDESHEIM Çarçewaya xebatanê weçînayîşî de Ewropa de zî çalakîyî her ke şono hîra benî. Nê çalakîyan ra yewe zî bajarê Hîldesheîmî yê Almanya de ameye viraştiş. Bajarê Hîldesheîmî de seba piştîdayîşyewbînanî bi parlamenterê HDPyî yê tewqîfbîyayeyî bironyî, rayîrşîyayîşêk ame organîzekerdiş. Rayîrşîyayîş vernîya garê trenî de dest pêkerd û heta warê mîtînge yê Rasteyê Marktî dewam kerd. Kurdistanî û dostê înan bi pankart û dovîzan, bi eştişê silogan û wendişê vilawekan rayîr şîyî. Bi seyan kesî beşdarê rayîrşîyayîşî bîyî. No rayîrşîyayîş hetê Komunê Cinîyan yê Şehîd Meryeme ra ame organîzekerdiş. Rayîrşîyayîş de siloganê ‘Bicuye Partîya Şaran’, ‘Yew ray HDP rê, yew ray zî Demîrtaş rê’ û sewbîna ameyî eştiş. Verfeka Meclîsê Cinîyan yê Şehîd Berçem Cîloye qiseykerdişêk kerde û wina va: “Ganî heme dayîke û cinîyî peynîya mergan bîyarî. Wextê Erdoganê Qatilî de 15 hezar cinîyî ameyî qetilkerdiş. Ganî heme cinîyê dinya vera nê faşîstî de reaksîyon nîşan bidî. Lazim o ma yew ray bidî HDP, yew ray zî bidî Demîrtaşî.” Endama NAV-DEMî Altun Bîschoffe zî wina va: “Ewro vera dîktatorî û faşîzmî de firsendêko baş kewto ma dest. Ganî ma nê firsendî baş bikar bîyarî û faşîzm bierzî çopgehî.” Dima ra cinîyan govende girewtî û Meclîsê Hîldesheîmî yê DKTMyî şarî reyde fitarê xo akerd.