Qezayê Amed Çinar de, vera Miduriyetê Polîsan ê Qezayî de, bi wesayîtê bombe-barkerdî çalekîçalekî viraziya. Wextê teqînayişî de, bi roket û tifînganê giran, Midûriyetê Polîsan û lojmanê polîsan hedef girotiyay. Eynî wext de, vera Fermandarînê Cendirmeyan ê Çinar’î zî bi tifînganê gird çalekî viraziya. Netîceyê no çalekîçalekî de, bi desan polîs û lejkerî kişiyay, bînaya 5 qatîn ê Miduriyetê Polîsan, bi temamî texrîb bî û lojmanê polîsan zî zerarê gird dî.
AKP merdişê polîsan nimneno
Sermiyanê dewlet yê ke, bi nê hçalekîan şoq bî, hewl danê ke, bi xeberanê zûrî û raya medya tesîrê çalakî binimnê. Merdişê bi desan polîs û lejkeran şarî ra nimnenê û îdîa kenê ke, zafê ci sivîlê.
Quwetanê dewlet badê çalakî eştî banê DBP û KURDÎ-DER ê Çinarî ser, ban kerdî têtewr û xeylê zerarê madî ardî meydan.
Mêrdîn û Îzmîr de nûmayişî
Heto bîn ra qezayê Mêrdîn Mîdyat de zî, vera qereqolê cendirmeyan ê Botaş çalekî viraziya. Derheqê netîceyê çalekîya ke bi roket û tifinganê giranî viraziya de, zonayişî nêamey giroten. Qezayê Îzmîr Menemen de zî, vera qereqolê polîsan ê Asarlik çalakî viraziyê. Çalekiya bi bombeyê veng, molotof-kokteyl û fîşeganê hewayin de, xeylê zirarê madî ame meydan.
NAVENDÊ XEBERAN