Qezaya Amed Farqîn de Timê taybet, esker û polîsî taxanê Konak, Mescît û Tekel de keyeyan ra piya xeylê cayê karî bi gule û bi bombeyan rijna. Badê xoverdayişê tarixî yê 12 rojan Farqînijî serkewtî. Heyetê ke şinê qeza serestisanê dewlete sero doskariyê virazene.
Newe ra înşakerdişê Farqîn
Hemseroka Sûka Pîl ê Amed Gultan Kişanak, qeza de welatijan ra qiseykerd û vat: pêro piya her çî newe ra înşa keme. Bloka Haştî ra Serokê Platformê Komelanê Hereme Abdulkerîm Taş zî aşkere kerd ke îynan Farqîn de herbî ra vêşî çî dî û ard ziwan ke, qabê-serva newe ra înşa kerdinê taxanê Tekel, Konak û Mescît gurenayişî ramenê. Taş ard ziwan ke tenya qabê Farqîn nê, serva caye bînî, yê ke biyê hedefê sereştişan gurenayişan raye ra benê û wina va: Ma bi çimanê xo ya dî. Ne tenya şar, ne zî şaredarî tenya şena nê cayan newe ra înşa bikero. Çi destê ma ra bîro ma dê zî ey bikerê. Hemserokê Goç Der yê Stenbol Abdullah Geldî zî hayr ant hêrişanê dewlet ser û va: ma zî benê leteyê demê înşa.
Azayê Kovara Serva Dînaya Newe Vengdayis Abdullah Nergîz'i zî qeseykerdişê xo de herîşan sero vinet û vat: Na ca de vîneme ke hetê hîsan ra kî şar biyo hedefê serestisan. Ma dejan ra piya, jûbiyayena derman keme. Çiyê ke ma naca de dî û heqê xo îdare kerdene yê şarê Kurdî her ca de anê ziwan.
AKP Nisêbîn de onca gonî rijna
Hikûmeta AKP, şanê 13'ê Mijdar'i ra na kişt, qezayê Mêrdîn Nisêbîn de vejiyayinê kûçeyan qedexe kerd û peycoy verra hometî hêrişê çeteyanê AKP destkerd ci. Şarê Nisêbîn 7 rojiyo vera heme êrişanê çetanê AKP û dewleta tirk xo ver danê. Çeteyanê AKP vizêr zî hêrişî ramitî û fina-reyna gunî rijnay. Netîceyê sereştişanê dewlet yê vizêr de, welatijê bi nameyê Hasan Dal'î weşiya xo kerd vinî û welatija bi nameyê Gulê Tutak zî bî dirbetin. Qeza de ceyran û xetê înternet zî birnîyay.
Heta bîn ra bîlançoyê hêrişanê dewlet yê verra Nisebîn zî her gam beno giran. Quwetanê dewleta Tirk û AKP, 7 rojanê peynî de, 3 kesî kiştî û 13 kesî kerdî dirbetin. Kamiya kesê ke peyniyê êriş û qedexeyê quwetanê Tirk de weşîya xo kerd vinî wina yê: Selamet Yeşîlmen, Hasan Dal û Abdulkadir Yılmaz. Selamet Yeşîlmen, a ke 44 serrî û maya 5 doman-qeçikan bî, ver kêberê xo de, hetê polîsan amê kişten.
Abdulkadîr Yilmaz, o 65 serre zî qrîzê zerrî ravêrna û bi sebebo polîsan nêvirada hewadiyo nêweşxane weşiya xo kerd vinî. Goreyê heydariyan 13 kesê dirbetinan ra rewşê Gulê Tutak, Fatma Kulat û Mehmet Aslan'î giran o.