Kurdê ke welatanê Awrûpa de ciwîyenê serva rayverê xo ser payan ê. Kurdan meydanan açarna serwedartiş û cayê xoverdayişî. Sûkanê Fransa, Danîmarka, Îtalya, Avusturya, Belçîka, Swêd û Almanya de bi hezaran kurdan waştena ‘Serbertîya Ocalanî’ qîr kerdî.
Paytaxta Fransa Parîs de cayê tiyaran de çalakiya bêîtîata sivîl virazya. Şêlîg cayê tekotîş bloke kerd û pê sloganê ‘Qetilkar Tirkiya patger Awrûpa’ eştî. Yew çalakiyê kurdistanijan zî kanalê televîzyon TF1 de virazya. Strasbourg dezî kurdistanijî verê îstasyonê Tren de ameyî pêser.
Wa CPT, KA, YA bikewê hereket
Çalakvanan waşte ke CPT, Konseyê Awrûpa û Yewbîyayinê Awrûpa miyan hereketî bikurî.
Hûnva bajar Rennes de zî îstasyonê Tren de pê eynî waştena çalakî virazya. Marsîlya de de kanalê TV3 ê Fransa de çalakiya bêîtîata sivîl virazya. Marîgana de zî cayê tiyaran de eynî çalakî virazya bi û zaf eleqa ûnti bi xo ser. Heremê Creil de zî gencanê Kurd yew pirto stratejîk tragfîq rê qefilna. Danîmarka de zî Kurdan televiyaon û Radio DR ziyaret kerd. Çalakvanan derheqê rewşê Ocalan pêyîn de yew dosya teslîm kerd.
Wa heyet şiro Îmrali
Bajarê Îtalya Torîno de zî îstasyonê Tren de vera tecrîd çalakî virazya. Çalakvanan terora AKP rê paştdayenê welatanê Awrûpa şermezar kerd. Novara de zî yew heyet sendiqayê Novara ziyaret kerd û eleqa ûnt tecrîd ser Ocalan ser. Paytaxta Îtalya Roma de zî cayo merkezî de çalakî virazîya. Îstasyonê Tren de alayê PKK û resmê Ocalan aliqîya û wazîya ke heyetekê şîyero Îmrali. Avusturya- Voralberg de zî kurdan televizyona dewlet de çalakî viraşt. Hûnva bajarê Swed Borlenge de zî şiyayî û mîtîng virazîya. Per bîn ra Îsvîçre de çalakiya xêmî dest pê kerd û 3 roj ramena. Luzern de verda tecrîd ser Ocalan çalakî virazya û serbestiyê ci wazîya.
Almanya de rêzeçalekî
Sûkanê Almanya de Kurdistanijî û dostê ci veciyay meydanan û her ca çarna cayê çalakiyan. Nûmayişkaran waştî ke tecrîdê ser Rayver şarê Kurd Abdullah Ocalanî ca de wedarîyo. Teyaregehê Koln-Bonn de bi seyan kesan nûmayişa bêîtatîya sivîl viraştî û hayr antî şert û mercanê Ocalanî ser. Paytaxt Berlîn de yew qefleyê gencan televizyaonê dewlet ARD de çalakî viraşt û waştenanê xo resna sermîyayanê qenalî. Hamburg de zî kuçeyê tewr merkezî de riyezilê merdimî virazya. Nûmayişkaran vera tecrîdî hersê xo ardî zûne û aşkere kerdî ke hetûn serbestiyê Ocalan ê kuçeyan canêverdene.
Hikûmeta Almanya aya kerdî
Sûka bîn yê Almanya Giessen de îstasyonê Tren de Kurdistanijan nûmayiş viraşt û vilavokê NAV-Dem wend. Ûlm de zî hetê YJK-Elmanya û PYD ra eynî waxte de çalakiyê bêîtîatê sivîl virazîya. Welatijan partîyanê siyasî û televizyonanê Almanya de eleqa ûntî tecrîdî ser. Hîldesheîm de zî banê şaredarîye de çalakî virazîya. Dûîsbûrg de vera tecrîdî bi nûmayişan nêrazîbîyayîşî bi berz. Kurdistanijan Essen de zî îstasyonê tren de çalakî viraşt. Nûmayişkaran hikumetê Alman ra waşte ke semedê wedarişê tecrîd miyan hereketî bikurî. Darmstadt de zî vera tecrîdî gencê Kurd çalakî de bî. Dusseldorf de zî gencan televizyonê WDR de çalakî viraştî. Kiel de zî televiyaonê NDR de çalakiya bêîtîata sivîl virazîya. Bîelefeld de zî gencan yew Radîo de çalakîya bêîtatîya sivîl viraşt.
NAVENDÊ XEBERAN
‘Tecrîd sûcê merdimîye yo'
Rayverê şarê Kurd Abdullah Ocalanî xeber nêguretiş Kurdistanijan vist meydanan. Vera tecrîdî zerre û teberê welatî de nûmayişî benê vila.
Xelyek bajaran de çalakiyê Nobeda Serberstiyê ke viraziyene bene vila. Çalakiyan de waziyeno ke yew hel cuwaver tewer Ocalan diyayîş virazî. Sûka Bakûrê Kurdistan Çewlîg de şar vera tecrîd startê çalakiyê nobet da ci. Çalakî pê rayveriyê KJA, HDP û DBP organizê bî.
Pasajê Şar de xelyek welatijî amey pêser û vera tecrîd hêrsê xo arde zûn. Nûmayişkaran dowîz û panqartê sey ‘Tecrîd sûcê merdimîye yo’, ’Serbestîya Rayverîye serbestîye şarê kurd a’, Rayverê azad, Welatekê azad’ û ‘Paştê xo danime rojî, rîyê xo çarneme azadî’ aliqnayî. Quwetanê dewlet dest nay pankartan ser o. Bado zî welatijan pê yew nûmayişê roniştişî elqa ûnt 34 . maddeyê Destûra Esasî ser. Gore na madde herkes êşkeno bê destûr kombîyayîşo bêtifing û bêherîş viraze. Sûk de neyra tepya nûmayiş do her şûnd Pasajê Şarî de binatê seatanê 18:00 û 20:00 de virazîyo.
AKP îqaz kerdî
Amed û qezayana ci de ciya ciya çalakiyî pê herabîyen ramene. Rezan de welatijî ke vera tecrîd hêrsinî arde zûne ke ê hay pê paştê Rayverê xo de. Çalakvanan dazûnayene ke hetûn serbestiyê Ocalan çalakiyê înan ramene.. Hûnca Peyas û qezayan bînan ê Amed de zî elatijan bi qerarin waştenê wedartişê tecrîdî arde zûn. Riha û qezayanê ci de şar semedê Ocalan ra xeber guretiş kuçeyan canêverdano. Welatijan hukumetê AKP kerd ayê û waşte ke semedê holê peroyin berê Îmrali abiyo. Per bîn ra çalakiyê cayan bînan pê gird biyayîşa ramene.
Nûmayişa nobed ke Êlih de bi pankartê 'Ma semedê Rayverê xo kuçeyan de yê’ destpa kerd çramena. Semedê wedartişê tecrîdî şarê Dîlok zî meydanan de yo. Welatijan dazûnayene ke hetûn pênî guretiş ê hay çalakî dey. Şarê Mûş semedê serbestiyê Rayverê xo ho lingan ser. Çalakiyê nobet de welatijî semedê serbestiyê Ocalan qêrene. Heto bîn ra Kampanyaya KJA ‘Wayîr Rayver, hard û azadîya xo vejyena’ her ke şina vila bena. Wan ra zî cenîyê ke kampanya ramenê mesajê ‘heta ke serbestîya Ocalan ca bîro xoverdayişî ramenê’ day. Gencê ke Îzmîr de ciwîyenê zî serraçarniyê Hemleya 15ê Tebaxî de vengê şikitişê tecrîdî day.
NAVENDÊ XEBERAN
Roj roja xoserî ya
Înîsiyatîfê Şar ê Demokratîk yê Kurdistan serraçarnayena jûyîn xoverdayişanê xorayverîn sero eskerakerdisê nûskî da.
Înîsiyatîfî îlanê xorayverînan silamî kerd û va: “Serraçarnayena sûka Nûh Şirnex de 12ê Tebaxe sifte virene îlan kerdena xoverdayişê xorayverîn silam keme.” Eskerakerdis de hayr oncîya verra herîşanê çeteyanê sarayî çokan ser nêameyena şehîdanê xoverdayişê xorayverîn sero: “Pêro şehîdanê xorayverîn bi dendarî amê vîr, ma şar tekoşîna înan pêro şaranê Rojhilatê Miyan rê od keme ke jê vatisê olwoz Çiyager resneme serkewtişeke rengînî.”
Firsetê xelesyayişê demokratîk
Eskerakedis de vajiya ke cayê ke xoverdayişe xorayverin amo ramitene, rixmê bedelanê giranan şar, hardanê xo canêverdo. Înisiyatifê şar hayr ont ser rixmê gurenayisanê Rayverê Şarê kurdî Abdullah Ocalan konseptî AKP-Sarayî yê pêro piya îmha, qirkerdene. Tekoşîna demokratîk yê Rayverê ma, şar û Hereketêma yê Serbestiye bêmaven ramene û honde şarê kurdî pêro şaranê Rojhilatê Miyan rê firsetê xelesyayişê demokratîk dano.
‘Her ca açarnime cayê xoverdayişî’
Înîsiyatîfê Şar ê Demokratîk yê Kurdistan bi nê vatişan veng da pêrokîn quwetanê demokratîk: “Pêro şaranê Tirkiya, iyê ke binêdestî, dormeyê demokratîk na firsatê serbestiye biyarê kar ardene, waxt vîndî nêkerdena qûweta xo jû bikerê, rêxisi bive û tekoşîne berz bikerê. Verra faşîzm û kolonyalîstan ronayena Cephê Demokratîk yê Jûvîyayene û şarê kurdî ya piya tekoşîna serbestiye berz kerdene teyna raya xeleşiyayişa.” Inîsiyatîf tivarî û weşiya Rayverê Şarê kurdî Abdullah Ocalan sero vinet û na pêhesnayis kerd: “Heta ke weşîye û tivarîya Rayver Apo ceriya binê garantî, heta ke serbestîya ci bîyarime ca meydanan canêverdame. Roj roja înşakerdişê xoserîya demokratîk a, roj ca ardişê serbestîya Rayverî û yê şarê ma ya.