Vera pêşnûmeya AKP nêrazîbîyayişî ramenê. Derheqê babed de him munaqeşe û him zî nûmayişê protestoyî ramenê. Heto bîn ra goreyê daneyê ke Dezgehê Îstatîstikê yê Tirkîye (TUÎK), 10 serranê peynî de 482 hezar û 908 domanê keynekî bi zorî amey zewicnayene. Goreyê Wezareta Dadê hûmara dawayê ke eleqedarê îstismara cinsî ameyê akerden, 10 serranê peynî de hîrê qatî bî vêşêr.
Qarneya domanan
Tayî daneyê ke qarneya domanan damûsnenê wina yê: 2015î de 31 hezar û 337 domanê keynekî û 483 domanê lajekî bi zorî amey zewicnayene. 2015î de domanê ke emrê înan mavêna 15-17 serrî yo û doman ardîyo dîna, 17 hezar û 789 hezarîyo.Hûmara yê ke emrê înan bîn 15 serrî yo zî 244 o. 10 serranê peynî de 482 hezar û 908 domanê keynekî bi zorî amey zewicnayene. Mavêna 2010-2015î de zî 232 hezar û 313 domanê keynekî bi zorî amey zewicnayene.
DÎHABER/STENBOL