Pêroyina Dinya û Tirkîya de vilabîyayişê Vîrûsê Koronayî domyeno û hetanî nika bi sehezaran merdimê no vûrîsî ra kewtê û bi dehezar merdimî zî cuya xo dayê. Vîrûsê Koronayî nêeşkîya asteng bibo ke Dêrsim de vilekan reng bi reng biakê.
Sey vatişê verênan adare berî ra xo dana nawitiş, qazma û huye dano veşnayiş. Çend rojê ke Kurdistan de varayişê dijne yê bi biluske domyeno la Dêrsim de vilekan sey mizgînîya wisarî akerdê. Vilekê berfîn û Newrozan bi coş xo nîşan dayê. Newala Munzurî sey cumbuşê renganî manzareyê ke weş nîşan dano. Newala Munzurî de nêzdê 518 tewirê vileke estê û nê 518 vilekê ra 227 vilekê tena Newala Munzurî de estê. DÊRSIM