Sekreterê ATOyî Alî Karakoç aşkera kerd ke seba Vîrusê Koronayî hepisxaneyan de girewtişê tedbîran qiym nêkenê, hepisxaneyan qet pank û hîjyen nîyê û wina vat: “Ganî bi lezî hepsê neweş bêrê tehlîyekerdiş.”
EMRULLAH ACAR / MA / ENQERE
Goreyê raporê Komela Heqê Merdiman (ÎHD) 1334 hepsê nêweş hepisxaneyan de manenê, mabenê înan de rewşa 458 hepsê nêweş giran a. Pêroyina Dinya ra Vîrusê Koronayî vila beno, tewro grubê rîskî de hepsê nêweş ca gênê. Wezaretê Edeletî aşkera da ke vera vîrûsê tedbîrê xo girewtê la raya pêroyine qerqîzyeno.
Babete ser Sekreterê Pêroyina ATOyî Alî Karakoç qise kerd û vat ke taybetî extîyar û nêweşê kronîkî gruba rîskî de yê û wina vat: “Taybetî serra 2015î ra pey kapasîteya xepisxaneyan zêdîya, no zî nîşan dano ke hepisxaneyan de nêweşîyê janî hîna bi tesîrker bibê. Ganî hepsê sîyasî yê û hepsê extîyar bi lezî bêrê tehlîyekerdiş.”
Merdimanê xo reyde pêvînayiş şert o
Sekreterê Pêroyina ATOyî Karakoç bal ant tengkerdişê pêvînayişê hepsîyan û dergkerdişê bi telefonê pêvînayişî û wina domna: “Demê kewtişê hepisxaneyan do kontrolê ganî bêro kerdiş, kesê ke testê înan pozîtîf vejyayê do nîrî hepisxaneyî ra girewtiş, teberê înan ganîya ke hepsîyan merdimanê xo reyde pêvînayiş bikê. Çi heyfo ke hepsiyan nêeşkenî awe ra biresê la Vîrûsê Koronayî de taybetî pankî muhîm a, eke weşîya hepsîyan binê temînatê dewlete de yo, ganî dewlete zî wezîfeyê xo bîyaro cayê xo. Kelmelê hîjyenî ganîya ke hepsîyan ra bê pere bêrê vilakerdiş, hepsîyan cayê tengî de manenê. Ganî bê mîyan odeyan bêrê hewakerdiş. Hepsîyan ray ray bivejê hewşê hepisxaneyî.”